किशोरीहरुमा हुने यौनिक परिवर्तन

हेल्थ टुडे,

किशोरीहरुमा यौनिक परिपक्वताको महत्वपूर्ण संकेत त महिनावारी हुनु नै हो । तर त्यति मात्रै होईन, स्वर परिवर्तन हुने देखि स्तन बढ्ने,रौहरु आउने,पसिना आउने,शरिर हलक्क बढ्ने गर्छ । किशारावस्थामा पुग्ने बित्तिकै शरीरको विकास त्यसमा पनि खासगरी पुठ्ठाको विकास चाडो हुन्छ । किशारीहरुमा किशोरहरुको दाजोमा शरीरको वृद्धि विकास २ वर्ष चाडो हुन्छ । त्यसैले १२ वर्षकी किशोरी र १४ वर्षको किशोरको शारीरिक विकास समान देखिन्छ ।
शरिरको विकास हुदा सबै अगंहरु एकैचोटि विकास हुदैनन् । उदाहरणको लागी खुट्टाको वृद्धि गोडा र तिघ्राको भन्दा छिटो हुन्छ ।
किशोरीहरुमा ८ वर्षको उमेर देखि नै स्तनको वृद्धि र विकास हुन सुरु गर्छ । कसैको १२-१३ वर्षको उमेर सम्म पूर्ण विकास भइसक्छ भने कसैको त्यो भन्दा बढी समय लाग्छ । स्तनको विकासमा पनि एउटा सानो र अर्को ठूलो हुनसक्छ । स्तनविकास सँगसँगै योनिको वरिपरि रौहरु आउने, योनिको आकार ठूलो हुनथाल्छ । पाठेघरको विकास पनि तीव्र गतिले हुन्छ । स्तनको विकास पूर्ण भइसक्दा महिनावारी सुरु भैहाल्छ । यो सबै शारिरीक विकासको लागी सामाजिक आर्थिक स्थिति वातावरण हावापानि वशांनुगत गुण पोषण आदि कुराहरुले पनि प्रत्यक्ष वा अप्रत्यक्ष प्रभाव पारिरहेका हुन्छन । यी बाह्य शरिरमा उत्पादन हुने यौन हर्मोनहरुको वृद्धिविकासमा भर पर्छ ।