हेल्थ टुडे
ओम हस्पिटल एण्ड रिसर्च सेन्टरले ‘सहयोगी हात बढाऔं, जीवन बचाऔ’ कार्यक्रम मार्फत हस्पिटलमा उपचार गराईरहेकी ब्लड क्यान्सर विरामी बालिका क्रिस्टिना भण्डारीको जीवनरक्षार्थ दुई लाख ७ हजार १ सय ५५ रुपैया उपलब्ध गराएको छ । विहिवार आयोजित कार्यक्रममा हस्पिटलका अध्यक्ष डा. भोला रिजाल र हस्पिटलका संचालक तथा ओम हेल्थ क्याम्पसका अध्यक्ष विजय मल्लले भण्डारीका बुबा कृष्ण भण्डारीलाई उक्त आर्थिक सहयोग प्रदान गरेका हुन । हस्पिटल संचालकहरु, चिकित्सक तथा कर्मचारीहरुको सहयोगमा संकलित रकम कमजोर आर्थिक अवस्था भएका भण्डारीलाई हस्तान्तरण गरिएको हो ।
कार्यक्रममा हस्पिटलका अध्यक्ष डा. रिजाल, ओम हेल्थ क्याम्पसका अध्यक्ष मल्ल, हस्पिटलका प्रबन्ध संचालक बाबु काजी कार्की, चिकित्सकद्धय डा. हरिकिशोर श्रेष्ठ, डा. उज्वल चालिसे, कर्मचारी यूनियनका अध्यक्ष केशव चौलागाई लगायतले सामाजिकउत्तरदायित्वबोध गर्दै ब्लड क्यान्सर पीडित भण्डारीलाई सहयोग गरिएको बताए । क्रिस्टिनाका बुबा कृष्ण भण्डारीले आर्थिक सहयोग गर्ने सबैलाई धन्यवाद दिए । भण्डारीलाई यसअघि पनि ओम हस्पिटल कर्मचारी यूनियनको तर्फबाट २५ हजार ५ सय तथा केमोथेरापी यूनिटको तर्फबाट ३० हजार रुपैया उपलब्ध गराइएको थियो । कपिलवस्तु नगरपालिका वडा नम्बर ८ की स्थायी घरभई हाल काठमाडौ मैजुबहाल बसिरहेका क्रिस्टिना कृष्ण भण्डारी र प्रकृति भण्डारीकी एक्ली सन्तान हुन् ।
न्यू इङलिस स्कुलमा कक्षा ४ मा अध्ययनरत साढे ९ वर्षीया भण्डारीलाई एक वर्ष सम्म नियमित केमोथेरापी चलाइएकोमा अब हेमाटोपोइटिक स्टिम सेल ट्रान्सप्लानटेशनमार्फत् मात्र उनको उपचार सम्भव रहेको चिकित्सकहरुले बताएका छन् ।
Leave a Reply