काउन्सिललाई ढाँटे नर्भिकका  डाक्टरले

काठमाडौ : देब्रेको सट्टा दाहिने घुडाको शल्यक्रिया गर्ने नर्भिक इन्टरनेसनल हस्पिटलका चिकित्सकले नेपाल मेडिकल काउन्सिललाई समेत
ढाँटेका छन् ।काउन्सिलले शल्यक्रियामा संलग्न चिकित्सकलाई बोलाएर सोधपुछ गर्दा उनीहरूले  बिरामी देब्रे घुडाका लागि आएको त हो , तर हाम्रो नजरमा दाया घुडामा समस्या देखिएकाले शल्यक्रिया गरेका हौ  भनेर दाबी गरेका थिए ।शल्यक्रियामा डा. प्रवीण नेपाल र डा.शैलेज रञ्जितकार संलग्न थिए । चिप्लिएर खुट्टाको लिगामेन्ट च्यातिएका कारण अस्पताल भर्ना भएकी बिन्दु पौडेलको देब्रेको सट्टा दाहिने घुडाको शल्यक्रिया गरिएको थियो। एमआरआई परीक्षणबाट देब्रे घुडाको शल्यक्रिया गर्नुपर्ने देखिए पछि पौडेल उपचारका लागि चितवनबाट
नर्भिकमा आएकी थिइन् । काउन्सिलबाट कारबाहीमा परिने डरले उनीहरूले सरासर ढाटेका हुन्,’ काउन्सिलका एक पदाधिकारीले  भने , ‘ जनदबाब पर्दा बिरमीसग गल्ती स्वीकार गरेर ढाकछोप गर्ने र कानुनी कारबाहीमा परिने डरले काउन्सिलमा आफूले गल्ती नगरेको दाबी गर्ने प्रवृत्ति देखियो।’ डा. नेपाल, डा.रञ्जितकार , नर्भिकका एक्जुकेटिभ डाइरेक्टर राजेन्द्रबहादुर सिंह, बिरामीका  पति किशोर पौडेल लगायतबीच भएको लिखित सहमतिपत्रमा ‘ भूलवश मानवीय त्रुटिका कारण दाहिने घुडाको अप्रेसन हुन गएको  तथ्य उपचारमा संलग्न हामी चिकित्सक प्रवीण नेपाल र शैलेज रञ्जितकार , नर्भिक हस्पिटल स्वीकार गर्दछौ ’ उल्लेख छ ।‘ यो लापरबाही नै हो , सार्वजनिक रूपमा समेत उहाहरूले आफ्नो गल्ती स्वीकार गरि सक्नुभएको छ,’ काउन्सिलका ती पदाधिकारीले भने , ‘ यो प्रकरणमा कसैले उजुरी नदिए पनि जनचासोको विषय भएकाले काउन्सिललेआफै छानबिन थालेको हो।’ काउन्सिलका रजिस्ट्रार डा. दिलीप शर्माले यो प्रकरणमा सरोकारवाला, विशेषज्ञ लगायत सबैसग छलफल र छानबिन भइरहेको जानकारी दिए । ‘ छानबिन तथा विज्ञको सुझावका आधारमा नर्भिक प्रकरणमा भोलि (बुधबार ) को काउन्सिल पूर्ण बैठकले निर्णय लिने छ ।’ काउन्सिलले यो प्रकरणमा चिकित्सकलाई निलम्बनसम्मको कारबाही गर्न सक्ने जानकारी स्रोतले दिएको छ । नर्भिकले यो प्रकरणमा पीडित पक्षसग भूलवश गल्ती भएको स्वीकार गर्दै सम्पूर्ण उपचार खर्च बेहोर्ने र भविष्यमा कुनै जटिलता आए उपचार गरिदिने सहमति गरेको छ ।कान्तिपुरबाट