हेल्थ टुडे,
धनगढी,२५ जेठः बिहीबार राती कैलाली र कञ्चनपुरमा आएको विनाशकारी हावाहुरीबाट घाईते भएका सबैको उपचार खर्च सुदूरपश्चिम प्रदेश सरकारले दिने बेहोर्न भएको छ । प्रदेश सरकारका प्रवक्ता आन्तरिक मामिला तथा कानुन मन्त्री प्रकाशबहादुर शाहले घाईतेहरुको सम्पुर्ण उपचार खर्च सरकारले दिने जानकारी दिएका हुन् ।
मन्त्री शाहले हावाहुरीका कारण विद्धुत, खानेपानी, टेलीफोन लगायतका सेवा अवरूद्ध भएको बताएका छन् । प्रदेश सरकारले मृतकप्रति श्रद्धाञ्जली र घाइतेको शीघ्र स्वास्थ्य लाभको कामना समेत गरेको छ। बिपदको घडीमा प्रदेश सरकारले आआफनो ठाउँबाट सहयोग गर्न समेत सम्पूर्णमा अपिल गरेको छ।
बिहीबार राति आाएको हावाहुरीबाट कैलालीमा दुई जनाको मृत्यु भएको छ भने एक सय जना घाइते भएका छन्। कैलालीमा हावाहुरीमा परी ७६ र चट्याङमा परि एक जनासहित ७७ जना र कञ्चनपुरमा २३ जना घाइते भएका छन् । घाइतेमध्ये कञ्चनपुरका १५ र कैलालीका ६६ जना सामान्य उपचार गरी घर पठाइएको छ।
कञ्चनपुरका आठ जनाको कैलालीको सेती अञ्चल अस्पतालमा उपचार भइरहेको छ। सुरक्षा प्रमुखहरूका अनुसार १० जना गम्भीर अवस्थामा रहेको जनाइएको छ ।
Leave a Reply