स्वास्थ्य उपचारको लागि प्रधानमन्त्री ओली पुनः सिंगापुर जादैँ

हेल्थ टुडे,
काठमाडौ,५ भदौः प्रधानमन्त्री केपी शर्मा ओली स्वास्थ्य उपचारको लागि पुनःआज सिंगापुर जाँदैछन् । यसअघि प्रधानमन्त्री ओली सिंगापुरमा करिब एक साता उपचार गराएर साउन २७ गते स्वदेश फर्किएका थिए ।

यसअघिको उपचारमा दुई साइकल औषधि चलाइएको र थप एक साइकल तीन साताको बीचमा चलाउनुपर्ने चिकित्सकको सल्लाहअनुसार उनी सिंगापुर जान लागेको प्रधानमन्त्रीको सचिवालयले जनाएको छ । पछिल्लो समय ओलीलाई औषधिको साइड इफेक्ट पनि देखिएको छ ।

औषधिको साइड इफेक्टले ज्वरो आउने, टाउको दुख्ने जस्ता समस्या उनमा देखिएको छ। सिंगापुरस्थित नेसनल युनिभर्सिटी अस्पतालमा उपचार गराउँदै आएका ओलीको १२ वर्षअघि मृगौला प्रत्यारोपण गरिएको थियो।