नेपाल चिकित्सक संघको निर्वाचनको मतगणना फेसबुक लाईभबाट

हेल्थ टुडे,
काठमाडौं, २४ माघ : स्थगित गरिएको नेपाल चिकित्सक संघको निर्वाचनको मत गणना फेसबुक लाइभबाट हुने भएको छ । बुधबार साझबाट हुनु पर्ने मत गणना नेपाली कांग्रेस निकट चिकित्सकहरुको लोकतान्त्रिक समूह र नेकपा निकट पेशागत समावेशी समूहबिच कुरा नमिलेपछि बुधबार राती १० बजे मत गणना स्थगित गरिएको थियो । नेकपा निकट पेशागत समावेशी समूहबाट महासचिवका उम्मेदवार डा. मुधर बस्नेतले पटक पटक मतगणनामा बखेडा झिकेपछि प्रमुख निर्वाचन आयुक्त डा. बाबुराम मरासिनीले बुधबार राती १० मत गणना स्थगित भएको सूचना प्रकाशित गरेका थिए । विहीबार बसेको दुबै पक्षको बैठकले शुक्रबार बिहानदेखि मत गणना गर्ने र त्यसको फेसबुक लाइभ गर्ने सहमती भएको थियो । मत गणना केही बेरमै सुरु हुने छ । त्यसको नेपाल चिकित्सक संघको फेसबुक पेजबाट फेसबुक लाइभ हुने सहमती भएको थियो ।
gratis crackedo