विरगन्जमा एकैदिन एकै परिवारका १७ जनामा कोरोना संक्रमण, दुई महिने शिशु समेत कोरोना पोजेटिभ

हेल्थ टुडे,

काठमाडौं, २४ बैसाख : विरगन्जमा एकैदिन एकै परिवार थप १७ जनामा कोरोना भाइरस पोजेटिभ देखिएको छ । उनीहरुमध्ये एक जना दुई महिने शिशु पनि रहेका छ । यी १७ जना पोजेटिभ देखिए पछि पर्सामा संक्रमितको संख्या २४ पुगेको छ ।
स्वास्थ्य तथा जनसंख्या मन्त्रालयका प्रवक्ता डा. विकास देवकोटाले विरगन्जमा फेला परेका १७ संक्रमित मध्ये १० जना पुरुष र ७ जना महिला रहेका जानकारी दिए । उनीहरू आईतबार भेटिएका वीरगञ्ज महानगरपालिका(३ छपकैयास्थित त्यही परिवारका ३६ वर्षीय पुरुषका परिवारका सदस्यहरू रहेको डा. देवकोटाले बताए ।
विरगन्जमा १७ जना थपिएपछि नेपालमा कोरोना संक्रमितको संख्या ९९ पुगेको छ । त्यसै गरि कोशी अञ्चल अस्पतालमा उपचार गराइरहेका मध्ये ६ जना निको भएर घर फर्कीएका छन । निको भएर घर फर्कनेको संख्या २२ पुगेको छ ।