भेरोसेल सकिएपछि काठमाडौंमा खोप कार्यक्रम स्थगन

हेल्थ टुडे,

काठमाडौं, १ साउन : भेरोसेलको  मौज्दात  सकिएपछि साउन १ गतेदेखि काठमाडौंमा भेरोसेल खोप कार्यक्रम स्थगन गरिएको छ । जिल्ला स्वास्थ्य कार्यालयले साउन २ गतेसम्म भेरोसेल लगाउन पाउने गरि तालिका सार्वजनिक गरेको थियो । तर शुक्रबार (साउन १ ) जिल्ला स्वास्थ्य कार्यालयले विज्ञप्ति प्रकाशित गर्दै भोली साउन २ गते भेरोसेल लगाउने कार्यक्रम खोप मौज्दात नभएको भन्दै स्थगन गरिएको जनाएको छ । स्वास्थ्य कार्यालयका प्रमुख बद्री बहादुर खड्काले हस्ताक्षर गरेको विज्ञप्तिमा भेरोसेलको पहिलो डोज लगाउने कार्यक्रम साउन २ गतेसम्म भए पनि खोपको मौज्दात सकिएकोले हाललाई स्थगित गरिएको उल्लेख गरिएको छ ।