हेल्थ टुडे,
काठमाडौं, ६ माघ : प्रधानमन्त्री पुष्पकमल दाहाल र स्वास्थ्य तथा जनसंख्या मन्त्री पदम गिरीले मृत्युपश्चात् शरीरका सबै अंगदानको घोषणा गरेका छन् ।
शुक्रबार बिहान प्रज्ञा भवन कमलादीमा शहीद धर्मभक्त राष्ट्रिय प्रत्यारोपण केन्द्रले १ हजार वटा मिर्गौला प्रत्यारोपण सम्पन्न गरेको उपलक्ष्यमा आयोजित विशेष कार्यक्रममा दुबैले आफ्नो मृत्युपश्चात् सम्पूर्ण शरीर दान गर्ने घोषणा गरेका हुन ।
सो अवसरमा केन्द्रका कार्यकारी निर्देशक डा. पुकारचन्द्र श्रेष्ठ र नेफ्रोलोजी विभाग प्रमुख डा. कल्पना श्रेष्ठले प्रधानमन्त्री र स्वास्थ्य मन्त्री दुबैलाई अंगदान गरेको कार्ड प्रदान गरेका थिए ।
नेपालमा प्रत्यारोपणको व्यवस्था नहुँदा विदेशमा गएर ठूलो धनरासी खर्च गरेर मिर्गाैला प्रत्यारोपण गर्नुपर्ने अवस्था रहेकोमा केन्द्रले त्यो अवस्थालाई धेरै हदसम्म रोक्न भूमिका खेलेकोमा प्रधानमन्त्रीले प्रसन्नता व्यक्त गरे ।
केन्दले आफ्नो स्थापनाको १० वर्षको अवधिमा एक हजार जनाको मिर्गौला प्रत्यारोपण गरेको छ । केन्द्रले नै नेपालमा पहिलो पटक कलेजो प्रत्यारोपण सेवा र मष्तिस्क मृत्यु भएका व्यक्तिबाट जिवित व्यक्तमा अंगदान गरेको थियो ।
Leave a Reply