खुद्रा तथा होलसेल पशलहरुमा सूर्तिजन्य पदार्थको विज्ञापन बन्द गर्न निर्देशन

पदमराज जोशी,
काठमाडौँ, २७ बैशाख : कानून अनुसार सूर्तिजन्य पदार्थको विज्ञापन गर्न पाइदैन । यो व्यवस्था सुर्तिजन्य पदार्थ नियन्त्रण तथा निगमन गर्ने ऐनले गरेको । त्यसैले मिडिया मार्फत सुर्तिजन्य पदार्थको विज्ञापन भएको पाइदैन । तर अहिले पनि चिया पशल होस् वा खुद्रा पशल नै किन नहोस सुर्तिजन्य पदार्थको विज्ञापन भइरहेको छ । विभिन्न चुरोत वा सुर्तिको मूल्य सुचि राखेर सानो बोर्ड बनाएर बिज्ञापन गर्ने गरिएको छ । यस प्रकारका विज्ञापन गर्न पनि ऐनले निशेष गरेको छ । यो अवस्थालाई ध्यानमा राखेर स्वास्थ्य मन्त्रालयले सूर्तिजन्य पदार्थको बिक्री स्थलमा भइरहेको सूर्तिजन्य पदार्थको विज्ञापन रोक्न निर्देशन दिएको छ ।
राष्ट्रिय स्वास्थ्य शिक्षा सूचना तथा सञ्चार केन्द्रले बुधबार गोरखापत्र राष्ट्रिय दैनिकमा पुनः सूचना जारी गर्दै बिक्री स्थलमा भइरहेको सुर्तीजन्य पदार्थको विज्ञापन रोक्न पुन सूचना जारी गरेको हो ।
केन्द्रले यहि सूचना गत ११ माघ सबै स्थानीय तहलाई सम्वोधन गर्दै चिठी मार्फत सार्वजनिक गरेको थियो । तर स्थानीय निकायले सो सूचना अनुसार बिक्री स्थलको अनुगमन र विज्ञापन बन्द गरेको खवर सार्वजनिक भएको छैन् ।
सूचना जारी गरेर अनुगमन नगर्दा, कानुन उल्लंघन गर्नेहरुले निर्वाध रुपमा आफ्ना गल्ती दोहोरिएको भन्दै केन्द्रले सूचना जारी गरेको हो । विभिन्न चुरोट कम्पनीहरुले सरकारको निर्देशनको विकल्पमा बजारमा गतिविधि गरिरहेका छन् । उनीहरुलाई कानूनी कारवाही गर्नु पर्ने अहिलेको आवश्यकता हो ।
हेरौँ सूचनाः