आईओएमको डीन नियुक्ती सम्बन्धी प्रकाशित समाचारप्रति डा.दीव्याको खण्डन

हेल्थ टुडे,
काठमाडौं, ९ कात्तिक : आईओएमको डीन नियुक्ती सम्बन्धी प्रकाशित समाचारको आईओएमकी डीन डा. दिव्या सिंहले खण्डन गरेकी छन् । हेल्थटुडे नेपाल डटकमले गत साउन २० गते ‘आईओएममा माखो नमारेकी डा. दीव्यालाई फेरि डीन बनाउन डा. सायमीलाई सर्च कमिटिमा ल्याइँदै ’शीर्षकमा प्रकाशित समाचार प्रति आफ्नो ध्यानाकर्षण भएको भन्दै उक्त समाचारको खण्डन गरेकी छन् । डा. दीव्याले बुदागत रुपमा हेल्थ टुडे नेपाल डटकमलाई खण्डन पठाउदै आफ्नो भनाईलाई प्रकाशित गरिदिन अनुरोध गरे अनुसार उनको भनाईलाई जस्ताको त्यस्तै प्रकाशित गरेका छौ ।

१. प्रकाशित सामग्रीमा ‘ बिगत चार वर्षमा आईओएमको शैक्षिक र प्रशासनिक क्षेत्रमा कुनै सुधारका काम अगाडि बढाउन नसकेको ’ भनि उल्लेख भएको रहेछ । यर्थातमा चिकित्सा शास्त्र अध्ययन संस्थानमा शैक्षिक क्यालेन्डर बनाई विगत ३ वर्षदेखि पूर्ण रुपमा लागु गरि समयमा नै परीक्षाफल प्रकाशित भइरहेको छ । विद्यार्थी, शिक्षक तथा विरामीहरुको हितलाई ध्यानमा राखी आईओएम, त्रिवि शिक्षण अस्पताल महाराजगन्ज परिसरमा सुव्यवस्थित गरि छात्रावास, पार्किङ, ढल निकास बनाउन गुरुयोजना बनाई प्रथम चरणको कार्यको थालनी गरिएको छ । सुरेश वाग्ले क्यान्सर सेन्टर जस्ता वर्षौदेखि अलपत्र रहेका परियोजनाहरुलाई पूर्णता दिई कार्यन्वयनमा ल्याइएको छ । जनस्वास्थ्य केन्द्रीय विभागका लागि छुट्टै भवन तथा छात्रावासको व्यवस्था गरिएको छ । साथै उपत्यका बाहिरका आंगिंक क्याम्पसको स्तरोन्नती तथा जीर्ण संरचनाहरुको मर्मत तथा नयाँ संरचना निर्माणका लागि सहयोग गरेको र सम्बन्धन प्राप्त कलेजहरुको पठनपाठन सुदृढ गर्न मापदण्डका आधारमा शिक्षक प्रमाणिकरण गर्न सुरुवात गरिएको छ । नेपालमा क्यान्सर लगायतको परीक्षण गर्न तथा अनुसन्धानलाई विकास गर्न सुरेश वाग्ले क्यान्सर सेन्टरमा ल्याव स्थापनाका लागि विश्वविद्यालय अनुदान आयोगबाट अनुदानको काम अगाडि बढाइएको छ । नेपालमा नै सम्पूर्ण विधामा विशेषज्ञ उत्पादन गर्ने हेतुले सुपुर स्पासियालिटी एण्ड डाइग्नोस्टिक सेन्टर स्थापनाका लागि बल्खुमा त्रिवि तथा नेपाल सरकारबाट करिव २७० रोपनी जग्गा प्राप्त गरिएको र सो परियोजना कार्यन्वयनका लागि विशेष पहल गरिरहेको छ ।

२.सामग्रीमा ‘कर्मचारीलाई तर्साउन थालेको’ भनि उल्लेख भएको रहेछ । यथार्तमा कर्मचारीसंग कार्यालयको काममा कुनै दवाव सिर्जना गरिएको छैन र तर्साउने कार्य भएको छैन । कर्मचारीहरुसँग सौहार्दपूर्ण सम्बन्ध कायम गरी कार्यहरु सम्पन्न गरिदै आएको छ ।

३. सामग्रीमा ‘प्राइभेट प्रेक्टिस गर्न नछाडेको र निजी अस्पताल ग्राण्डीको विभागिय प्रमुख भई गर्न नुहने काम गरेको ’ भनी उल्लेख भएको रहेछ । यथार्तमा निजी अस्पताल ग्राण्डीको विभागीय प्रमुख नरहेको तथा हाल सो अस्पतालमा पूर्ण रुपमा कार्य गर्न बन्द गरेको छु ।

४. सामग्रीमा ‘ विद्यार्थीहरु तथा प्राध्यापकहरुका समस्यातिर चासो नै नदिएको, कसैको कुरा नसुन्ने ’ भनी उल्लेख भएको रहेछ । यथार्तमा विद्यार्थी युनियन तथा प्रतिनिधिहरुसँग बारम्बार छलफल गर्ने गरेको । विद्यार्थी, प्राध्यापक र कर्मचारीसँग छलफल गरेर कार्य गर्ने गरेको ।

५. सामग्रीमा ‘ डीनको कर्तव्य के हो त भन्ने राम्रोसँग थाहा छैन ’ भन्ने उल्लेख भएको रहेछ । अध्ययन संस्थानको डीनको काम, कर्तव्य र अधिकार आफुलाई बोध भएको र सो भन्दा बाहिर भएर कार्य नगरेको ।

६. सामग्रीमा ‘आधा समय त भवनका टेण्डरकै हिसाव किताव र कमिसनकै विषयमा बित्छ ’ भनी उल्लेख भएको रहेछ । थर्यातमा छात्रावास निर्माणको बिषय संवेदनशील भएकोले सहायक डीन, क्याम्पस प्रमुख, प्रशासन प्रमुख, आर्थिक प्रमुख सहित विशेषज्ञहरु र कन्सल्ट्यान्ट फर्मसँग डिजाइनका बारेमा छलफल गरि कार्य अगाडि बढाइरहेको ।

७.सामग्रीमा ‘हाजिरी अनियमितता, बायोमेटिकमा हाजिरी नगरेको, पदाधिकारीको हैसियतमा भन्दा धेरै विदा र काज बसेको ’ भनी उल्लेख भएको रहेछ । यथार्तमा कार्यालयमा वायोमेटिकमा हाजिरी गर्ने गरेको, बिहानी सत्रमा विश्वविद्यालय, चिकित्सा शिक्षा आयोग तथा शिक्षा मन्त्रालयमा बैठकमा जाने हँुदा केही हाजिरी छुट भएको । साथै पदाधिकारीले लिन मिल्नेसम्मको मात्र विदा तथा काज स्विकृत गराई बस्ने गरेको ।

८. सामग्रीमा ‘सेक्युरिटी बोर्ड बिनै परीक्षाफल प्रकाशित गरेको ’ भनी उल्लेख भएको रहेछ । यथार्तमा परीक्षा स्कुटिनी बोर्ड गठन गरिएको छ । र सोही बोर्डको निर्णय अनुसार परीक्षाफल प्रकाशित गर्ने गरिएको छ ।