काठमाडौं महानगरका ५६ हजार बढी नागरिक स्वास्थ्य बीमा कार्यक्रममा आबद्ध

हेल्थ टुडे,
काठमाडौं, १२ कार्तिक काठमाडौं महानगरपालिकामा ५६ हजार ६७३ जना स्वास्थ्य बीमा कार्यक्रममा आबद्ध भएका छन् । महानगरका मेयर बालेन साहले बुधबार सामाजिक सञ्जाल फेसबुकमार्फत ५६ हजार ६७३ जना स्वास्थ्य बीमामा आवद्व भएको जानकारी दिएका हुन ।
उनले दिएको जानकारी अनुसार स्वास्थ्य बीमा कार्यक्रममा आवद्ध भएकामध्ये १३ हजार ५७५ जना ज्येष्ठ नागरिक, १ हजार ८५ जना अपाङ्गता भएका व्यक्ति र २ जना एचआईभी संक्रमित व्यक्ति रहेका छन् । आर्थिक वर्ष २०८१÷८२ मा महानगरबाट १ लाख ९४ हजार १९३ जनालाई स्वास्थ्य सेवा प्रदान गरिएको र तीमध्ये ८४ हजार ७०४ जनाले बहिरङ सेवा लिएको उनले बताएका छन् ।