नेपाल चिकित्सक संघको निर्वाचनः अध्यक्ष पदका लागि प्रजातान्त्रिक समूहबाट डा.लोचनको उम्मेद्वारी

हेल्थ टुडे,
काठमाडौ,२९ कात्तिकः आगामी माघमा हुने नेपाल चिकित्सक संघको निर्वाचनमा अध्यक्ष पदको लागि प्रजातान्त्रिक समुहबाट डा. लोचन कार्कीले उम्मेद्वारी दिने भएका छन् । बिहीबार सम्पन्न प्रजातान्त्रिक समूहको बैठकले डा.लोचन कार्कीलाई अध्यक्ष पदमा उठाउने निर्णय गरेको हो । डा.कार्की अहिले नेपाल चिकित्सक संघको महासचिव छन् ।
उम्मेद्धार छान्नका लागि बर्तमान अध्यक्ष डा.मुक्तिराम श्रेष्ठको संयोजकत्वमा समिति गठन भएको थियो । उक्त समितिमा पूर्व अध्यक्षहरु डा केदारनरसिंह केसी, डा अञ्जनीकुमार झा, डा चोपलाल भुसाल लगायत सदस्य थिए ।
संघको अध्यक्षका लागि प्रजातान्त्रिक समूहबाट डा.भूपेन्द्र बस्नेतको समेत दाबेदारी परेको थियो। तर उनले चाहेको पद दिने गरी महासचिव कार्कीलाई अध्यक्षमा उठाउने बैठकले निर्णय गरेको हो ।
संघको अध्यक्षकै लागि स्वतन्त्र समूहबाट डा.पुष्पमणि खरालले उम्मेद्वारी घोषणा गरिसकेका छन् । उनी नेकपा निकट चिकित्सकहरुको समूहबाट उठने भएका हुन् ।
संघको चुनाव आगामी माघमा हुने तय भएको छ । तर स्थानका विषयमा भने टुंगो लाग्न बाँकी छ । विसं २००७ साल फाल्गुण २० गते स्थापना भएको चिकित्सक संघलाई नेपालको पहिलो व्यावसायिक संस्था मानिन्छ ।
आगामी मागमा हुने निर्वाचन चिकित्सक संघको २८ औं केन्द्रीय कार्यकारिणी समितिको निर्वाचनका हो ।