स्वास्थ्य सेवा विभागको निमित्त महानिर्देशकमा डा. बिच्छा

हेल्थ टुडे,

काठमाडौं, १९ साउन : स्वास्थ्य सेवा विभागको निमित्त महानिर्देशकमा वरिष्ठ वालरोग विज्ञ डा. आरपी बिच्छा नियुक्त भएका छन् । स्वास्थ्य तथा जनसंख्या मन्त्रालयको समेत कार्यभार सम्हालिरहेका प्रधानमन्त्री शेरबहादुर देउवाले डा. बिच्छालाई विभागको निमित्त महानिर्देशकमा नियुक्त गरेका हुन् ।

डा. बिच्छा कान्ति बाल अस्पतालको निर्देशक थिए । लामो समय बाल रोग विज्ञका रुपमा काम गरेका डा. विच्छाले स्वास्थ्य तथा जनसंख्या मन्त्रालय मातहतका वाल स्वास्थ्य महासाखा, परिवार कल्याण महासाखा र सार्क क्षयरोग केन्द्रको समेत नेतृत्व गरिसकेका छन् । डा. बिच्छाले यो भन्दा पहिले पनि विभागको कामु महानिर्देशकको जिम्मेवारी निर्वाह गरिसकेका छन् ।

पूर्व स्वास्थ्य तथा जनसंख्या मन्त्री भानुभक्त ढकालले डा. बिच्छालाई कान्ति बाल अस्पतालको निर्देशकबाट अपमान पुर्वक हटाएर उनीभन्दा कनिष्ट डा. कृष्ण पौडेललाई निर्देशक बनाएर उनलाई पेन्डुलम बनाएको थिए । पछि डा. पौडेललाई इपिडिमियोलोजी तथा रोग नियन्त्रण महासाखाको निर्देशक बनाएपछि फेरि कान्तिकै निर्देशकमा फर्केका थिए । स्वास्थ्य सेवा विभागका महानिर्देशक डा. दीपेन्द्ररमण सिंहलाई मन्त्रालय तानेको छ । गत बिगत एक बर्षदेखि  महानिर्देशक थिए ।