मन्त्री बस्नेतले गरे गंगालाल र मेडिकेयरको अनुगमन, बिरामीको सहज उपचारमा जोड

हेल्थ टुडे,

काठमाडौं, १९ जेठ : स्वास्थ्यमन्त्री मोहन बहादुर बस्नेतले शुक्रबार काठमाडौंको शहिद गंगालाल हृदय केन्द्र र र मेडिकेयर अस्पतालको अनुगमन गरेका छन् । मन्त्री बस्नेतले बिरामीलाई सहज रूपमा उपचार गर्ने व्यवस्था मिलाउन अस्पताललाई निर्देशन दिएका छन्।
मन्त्री बस्नेतले सहज रूपमा उपचार गर्नका गर्ने वातावरण बनाउन दुबै अस्पतालका निर्देशकहरुलाई निर्देशन दिएका हुन्।
उनले गंगालालमा रहेका उपकरणहरूको प्रयोग, बिरामीलाई दिइने सुविधा र उपचारको व्यवस्थाका बारेमा जानकारी लिएका थिए। बस्नेतले उपचारका लागि आएका बिरामीहरूसँग पनि कुराकानी गरेका थिए । मन्त्री बस्नेतले विरामीहरुले सहज उपचार प्राप्त गर्न सकून भन्ने ध्येयले विभिन्न सरकारी र निजी अस्पतालको अनुगमन गर्ने काममा तिव्रता दिएका छन् । गत हप्ता मनत्री बस्नेतले वीर अस्पतालको अनुगमन गरेका थिए ।
यसअघि दिएको निर्देशन अनुसार अस्पतालको सेवाको सुधार देखिएको बताए। विभिन्न अस्पतालहरूमा गुणस्तरीय सेवा नभएको गुनासोलाई अन्त्य गर्ने लक्ष्यका साथ मन्त्रालयले निरन्तर अनुगमन गरिरहेको बताए। मन्त्री बस्नेतले सरकारी र निजी अस्पतालको उपचारको सेवा शुल्कमा एकरूपता ल्याउन पहल गरिने बताए।