स्वास्थ्य शिक्षा, सुचना तथा सञ्चार केन्द्रको निर्देशकको जिम्मेवारी पण्डितलाई

हेल्थ टुडे,
काठमाडौं, २६ माघ : राष्ट्रिय स्वास्थ्य शिक्षा, सूचना तथा सञ्चार केन्द्रको निर्देशकको जिम्मेवारी केशवराज पण्डितलाई दिइएको छ । स्वास्थ्य तथा जनसंख्या मन्त्री मोहनबहादुर बस्नेतले मन्त्रीस्तरिय निर्णय गर्दै हेटौडास्थित किटजन्य रोग अनुसन्धान तथा तालिम केन्द्रका प्रमुख पण्डितलाई स्वास्थ्य सुचना केन्द्रको निर्देशकको जिम्मेवारी दिएका हुन । सुचना केन्द्रका निर्देशक शुनिलराज शर्मालाई पण्डितको ठाउँमा हेटौडा सरुवा गरिएको छ । पण्डित स्वास्थ्य सेवा अन्तरगत एघारौ तहका कर्मचारी हुन । पण्डितले राष्ट्रिय स्वास्थ्य तालिम केन्द्रको निर्देशक भएर पनि जिम्मेवारी निर्वाह गरिसकेका छन् । नव नियुक्त निर्देशक पण्डितले फागुन २ गतेदेखि सुचना केन्द्रको निर्देशकको जिम्मेवारी सम्हाल्ने बताएका छन् । स्वास्थ्य सेवा विभाग भित्र निर्देशक पण्डित इमान्दार र मेहनती कर्मचारीका रुपमा परिचित छन् ।