फ्यानक्यानको अध्यक्षमा पुन : सुरेन्द्र मानन्धर, १५ सदस्यीय कार्यसमिति सर्वसम्मत

हेल्थ टुडे,
बिरगन्ज, ९ बैसाख : नेपाल खाद्य, आयुर्वेदिक न्यूट्रास्यूटिकल्स तथा कस्मास्यूटिकल्स संघ (फ्यानक्यान) को बीरगन्जमा शनिबार चौथो केन्द्रीय महाअधिवेशनले पुन सुरेन्द्र मानन्धरलाई अध्यक्षमा चयन गरेको छ । मानन्धरको अध्यक्षतामा गठन भएको १५ सदस्यीय नयाँ कार्यसमितिको वरिष्ठ उपाध्यक्षमा शम्भु यादव, उपाध्यक्षमा भिम विष्ट, उपाध्यक्षमा दिपेश जंग शाह चयन भएका छन् । त्यसैगरि महासचिवमा गौरब श्रेष्ठ, सचिवमा गौरब बर्मा, सचिवमा गोपाल जिसी, कोषाध्यक्षमा प्रदीपकुमार महतो र सहकोषाध्यषमा रामदिन तेली निर्विरोध निर्वाचित भएका छन् । फ्यानक्यानको केन्द्रीय कार्यसमिति सदस्यहरुमा प्रतीक शाही, बिरेन्द्र पटेल, विदेश्वर पाण्डे, विनायक राज पाण्डे, सुवर्ण पोख्रेल र भुवनराज जोशी निर्विरोध निर्वाचित भएका छन् । पुर्व वन मन्त्री एवं सांसद प्रदीप यादवको प्रमुख आतिथ्यता एवं खाद्य प्रविधि तथा गुण नियन्त्रण विभागकी महानिर्देशक डा. मनिता जोशी वैद्यको आतिथ्यतामा महाधिवेशन भएको थियो । नवनिर्वाचित अध्यक्ष मानन्धरले फ्यानक्यानलाई नयाँ उचाईमा पुर्याउन नव निर्वाचित कमिति कटिवद्व रहने बताएका छन् ।