केन्द्रीय कारागारका महिलाकालागि नि: शुल्क आँखा तथा मुख स्वास्थ्य शिविर

हेल्थ टुडे,
काठमाडौं, १३ साउन : रोटरी क्लव अफ महाराजगन्ज तथा केन्द्रीय कारागार अस्पताल सुन्धाराको संयुक्त आयोजनामा कारागार कार्यालय, महिला सुधारगृह सुन्धारामा शनिबार एक दिने निशुल्क आँखा तथा दन्त शिविर सम्पन्न भएको छ । कार्यक्रममा दुई सय ५० जना महिलाको आँखा परिक्षण गरिएको थियो भने दुईसय ३० जना महिलाको दन्त परिक्षण गरिएको थियो । कार्यक्रममा आँखा परिक्षण पश्चात आवश्यक पर्ने १६० वटा विभिन्न पावरका चस्मा तथा आवश्यकता अनुसार विभिन्न प्रकारका औषधि वितरण गरिएको थियो ।
कार्यक्रममा प्राविधिक सहयोग केन्द्रीय कारागार अस्पताल र किर्तिपुर आँखा अस्पतालका चिकित्सक तथा स्वास्थ्यकर्मिहरुले गर्नु भएको थियो । निशुल्क जनचेतनामुलक स्वास्थ्य शिविरमा आँखा कसरी शुरक्षित राख्ने भन्ने सन्दर्भमा किर्तिपुर आँखा अस्पतालका अध्यक्ष प्राध्यापक डा सविना श्रेष्ठले र दाँत कसरी शुरक्षित राख्ने भन्ने सन्दर्भमा केन्द्रीय कारागार अस्पतालका प्रमुख मेडिकल सुपरिटेन्डेन्ट डा.प्रकाश वुढाथोकीले अभिमुखिकरण गरेका थिए ।