डा.केदार सुवेदीको नेतृत्वमा नेपाल भेटेरिनरी एशोसिएसनको नयाँ कार्यसमिति

हेल्थ टुडे,

काठमाडौं, २१ जेठ : नेपाल भेटेरिनरी एशोसिएसन (एनभिए) को नयाँ नेतृत्वमा डा. केदार सुवेदी चयन भएका छन् । काठमाडौंको बत्तीसपुतलीमा शनिबार सम्पन्न अधिवेशनले सुवेदीको नेतृत्वमा नयाँ कार्यसमिति चयन गरेको हो ।कूल ७१२ जना मतदाता रहेकोमा सुवेदीले ३०३ मतसहित अध्यक्ष निर्वाचित हुँदा निकटतम प्रतिस्पर्धी डा. केदारराज पाण्डेले २१६ मत पाएका छन् ।महासचिवमा डा. शंकर न्यौपाने ३४१ र कोषाध्यक्षमा डा. विकास श्रेष्ठ ३६७ मतले विजयी भए । त्यसैगरी, सदस्यमा डा. गणेश रानाभाट, डा. सुशीलकुमार राई, डा. नविन पन्थी, डा. साधना घिमिरे, डा. सरद नरसिंह अमात्य, डा. दिनेश अर्याल निर्वाचित भएका छन् ।
अधिवेशनको उद्घाटन कृषिमन्त्री रामनाथ अधिकारीले गरेका थिए ।मन्त्री अधिकारीले छात्रवृत्तिमा अध्ययन गरेका पशु चिकित्सकहरूले मेडिकल चिकित्सकहरूजस्तै गाउँ(गाउँमा पुगेर सेवा गर्नुपर्नेमा जोड दिएका छन् ।
उनले ‘एक स्थानीय तह, एक पशु चिकित्सक’ कार्यक्रम कार्यान्वयनका लागि बजेट व्यवस्था भइसकेको जानकारी दिँदै एनभिएसँग आवश्यक समन्वय र सहयोगको अपेक्षा राखेको बताएका थिए ।