चर्को विरोधपछि डा.गोविन्द केसी अनसन छोडेर सेती प्रादेशिक अस्पताल भर्ना

हेल्थ टुडे,

धनगढी, ९ साउन :  स्थानियवासीको चर्को विरोध पछि धनगढीमा अनसनमा बसेका डा. गोविन्द केसी अनसन छोडेर अस्पताल भर्ना भएका छन । चिकित्सा शिक्षा सुधारका लागि भन्दै ५ बेदे माग राखेर डा् केसी बिहीबारदेखि धनगढी उपमहानगरपालिका–१ स्थित कृष्ण मन्दिरमा अनसन बसेका थिए ।

उनको विरुद्ध आन्दोलन हुन थालेपछि उनको स्वास्थ्य अवस्था विग्रिएको बहाना बनाएर उनलाई अनसन स्थलबाट अस्पताल लगिएको छ । उनलाई आईसियुमा राखेर उपचार गर्नु पर्ने चिकित्सकहरुले सुझाव दिएका छन । परीक्षणका क्रममा डा. केसीको रक्तचाप ११०÷९० र रक्तमा सुगरको मात्रा ५० रहेको पाइएको थियो । सुगरको मात्रा अत्यन्त न्यून भएकाले स्वास्थ्य अवस्था जटिल बन्दै गएको चिकित्सकले बताएका छन् ।

डा. केसी बिहीबारदेखि विभिन्न पाँच बुँदे माग राख्दै धनगढीस्थित कृष्ण मन्दिर धर्मशालामा २४औं सत्याग्रहमा बसेका हुन् । डाक्टर केसीका सहयोगी अमृत जैशीकाअनुसार स्वास्थ्य अवस्था बिग्रिदै गएपछि मांसपेशी बाउडिने, बोल्न पनि असहज हुने, खुट्टाको अप्रेसन गरेका कारण हिँडडुल गर्न पनि कठिन भएपछि बाथरुम जान पनि समस्या भइरहेको छ ।