महामारी सम्बन्धि राष्ट्रिय सम्मेलन

हेल्थ टुडे

काठमाडौं, ४ पुष : महामारीका बेला गरिने तयारी र त्यसको व्यवस्थापन सम्बन्धी ररयापिड  रिस्पोन्स राष्ट्रिय सम्मेलन राजधानीमा सुरु भएको छ । स्वास्थ्य मन्त्रालय, इपिडिमियोलोजी तथा रोग नियन्त्रण महासाखा र विश्व स्वास्थ्य संगठनको संयुक्त आयोजनामा सुरु भएको उक्त सम्मेलन दुई दिनसम्म चल्ने छ । सम्मेलनमा ७५ वटै जिल्ला जनस्वास्थ्य प्रमुख, रयापिड रिस्पोन्स टीमका फोकस पर्सनहरु, क्षेत्रिय स्वास्थ्य निर्देशनालयका निर्देशक र फोकल सर्पनहरु भाग लिइरहेका छन् । देशका विभिन्न भागमा बेला बेलामा देखिने रोगको महामारीको बेला कसरी चाडो भन्दा चाडो पत्ता लगाउने, त्यसको सूचना छिटो प्रवाह गर्ने र समाधानका उपाय निकाल्दा अपनाउनु पर्ने सावधानीका बिषयमा जानकारी दिन र अनुभव आदानप्रदान गर्न सम्मेलन आयोजना गरिएको इपिडिमियोलोजी तथा रोग नियन्त्रण महासाखाका निर्देशक डा. भिम आचार्यले बताए । सम्मेलनमा विभिन्न जिल्लाबाट आएका जिल्ला जनस्वास्थ्य प्रमुख र फोकल सर्पनहरुले महामारीका बेला आफूले भोगका अनुभव समेत आदान प्रदान गरिरहेका छन् । यस किसिमका सम्मेलनमा एकअर्काले सिकेका र भोगेका अनुभव आदान प्रदान नै भविश्यका लागि पाठ हुन सक्ने भएकाले सम्मेलन उपलब्धिमूलक भएको बैतडीका जनस्वास्थ्य प्रमुख डा. गुणराज अवस्थीले बताए ।