अर्बुदरोग निवारणमा तेश्रो पटक लोकेन्द्र

हेल्थ टुडे

काठमाडौं, ९ पुष : नेपाल अर्बुद रोग निवारण संस्थाको अध्यक्षमा तेश्रो पटक पुन : लोकेन्द्रकुमार श्रेष्ठ ‘ईश्वर’ चुनिएका छन् । सिरहाको लहानमा सम्पन्न २७ औं केन्द्रिय सभाले श्रेष्ठलाई पुन : अध्यक्षमा चयन गरेको हो । उनी यो भन्दा अगाडिका दुई कार्यकाल पनि अध्यक्ष थिए । कार्यसमितिमा डा. राजेन्द्र बराल, महेश श्रेष्ठ, कृष्णबहादुर बस्नेत, बिमल कुमार होडा, आनन्द प्रसाद धौवडेल, बद्रीनाथ पोखरेल र प्रकाश खतिवडा छन् ।

त्यसैगरि दिनेश शंकर पालिखे, डा. प्रदीप बैद्य, राधा कार्की, उमेश यादव, उत्तम बस्नेत र नारायण कोइराला पनि कार्यसमिति सदस्यमा छानिएका छन् । नयाँ कार्यसमितिमा प्राय पुरानै अनुहारको बाहुल्यता छ । यस अगाडिको कार्यसमितिमा डा. बराल बरिष्ठ उपाध्यक्ष थिए भने होडा महासचिव थिए । वरिष्ठ उपाध्यक्ष, महासचिव, कोषाध्यक्ष सहितको चयन चाडै बस्ने कार्यसमितिले गर्ने छ । नेपाल अर्बुद निवारण संस्थामा प्राय क्यान्सर प्रभावित परिवारका सदस्यहरु संलग्न छन् ।

स्वर्गिय डा. अञ्जनीकुमार शर्मा, समाजसेवी कर्ण शाक्य, उद्योगी दिवाकरराज राजकर्णीकार जस्ता समाजसेवीले संस्थाको नेतृत्व सम्हाली सकेका छन् । संस्थाले क्यान्सर रोग रोकथाम र उपचार दुबै सेवा सञ्चालन गरिरहेको छ । संस्थाकै स्वामित्वमा भक्तपुरमा भक्तपुर क्यान्सर अस्पताल सञ्चालित छ ।
Download Crackeado Software