डा. गौतम पुन : प्रसूति गृहको निर्देशक

हेल्थ टुडे

काठमाडौं, १३ पुष : परोपकार प्रसूति तथा स्त्रीरोग अस्पताल (प्रसूति गृह) को निर्देशकमा पुन : डा. जागेश्वर गौतम नियुक्त भएका छन् । उनले बिहीबारदेखि नै पदभार ग्रहण गरेका छन् । डा. गौतम वरिष्ठ स्त्री तथा प्रसूति रोग विशेषज्ञ हुन । पूर्व स्वास्थ्य मन्त्री गगन थापासँग असहमती राख्दै एक वर्ष पहिले उनले प्रसूति गृहको निर्देशकबाट राजिनामा दिएर विदा बसेका थिए । विदाको समय उनी आफ्नो समेत लगानी रहेको ओम हस्पिटलमा निर्देशकको रुपमा कार्यरत थिए । डा. गौतमले राजिनामा दिए पछि डा. अमिरबाबु श्रेष्ठलाई निर्देशक बनाइएको थियो । प्रसूति गृहमा आफूले सुरु गरेका अधुरा कामलाई फेरि निरन्तरता दिने निर्देशक डा. गौतमले बताए ।