अमेरिकनले किन गरे ट्रमा सेन्टरबाट हामफालेर आत्महत्या ?

हेल्थ टुडे,

काठमाडौं : ट्रमा सेन्टरको छैटौं तलाबाट हामफालेर एक अमेरिकी नागरिकले आत्महत्या गरेका छन् । नेपालमा अवैध रुपमा बसेको आरोपमा पक्राउ परेका जोन पारमाकले आइतबार साझ वीर अस्पताल नजिकै रहेको ट्रमा सेन्टरबाट हाम फालेर आत्महत्या गरेका हुन् । स्रोतका अनुसार अवैध रुपमा बस्दै आएको आरोपमा उनलाई एक साताअघि पर्यटन प्रहरीले पक्राउ गरेको थियो । अध्यागमन विभागले उनीमाथि अनुसन्धान गरिरहेको थियो । अध्यागमन विभाग हिरासतमै उनले बिहीबार ब्लेडले घाँटी काटेर आत्महत्या प्रयास गरेका थिए । ट्रमा सेन्टरको छैंटौं तलाबाट हामफालेका जोनको मृत्यु भएको महानगरीय प्रहरी प्रहरी वृत्त जनसेवाले जनाएको छ । लागूऔषध दुर्व्यसनी जोनसँग पासपोर्ट र भीसा नभएको खुलेपछि पर्यटन प्रहरीले गत साता पक्राउ गरेको थियो । उनी उपचारका लागि अस्पताल आएका थिए ।