स्टार हस्पिटल र मेगा बैँक नेपाल बिच सहकार्य

हेल्थ टुडे,
काठमाडौं, २९ साउनः स्टार हस्पिटल लि., सानेपा, ललितपुर र मेगा बैँक नेपाल लि., बिच सहकार्य गर्ने सम्बन्धको सम्झौता पत्रमा हस्ताक्षर भएको छ । स्टार हस्पिटलको तर्फबाट अस्पतालका सि.ओ.ओ डा. सन्देश जि. सी तथा एन.एम.बी बैँकका तर्फबाट बैँकका सि.बि.ओ महेश शर्मा ढकालले हस्ताक्षर गरेका हुन् ।
हिजो भएको सम्झौता अनुसार स्टार हस्पिटलले मेगा बैँक नेपाल लि. का ग्राहक तथा ग्राहकका परिवारजनहरु लाई उपचार खर्चमा आकर्षक छुट प्रदान गर्ने छ । छुट सुविधा प्राप्त गर्न सेवाग्राहीहरुले बैँकको प्रिभिलेज कार्ड, डेविट कार्ड वा क्रेडिट कार्ड मध्ये कुनै एक देखाउनुपर्नेछ ।
स्टार हस्पिटलले आफ्नो सामाजिक उत्तरदायित्व अन्तर्गत विभिन्न क्षेत्र र पेशामा आवद्ध जनसमुदायहरु सर्वशुलभ र उत्कृष्ठ स्वास्थ्य सेवाबाट वञ्चित हुने अवस्था सृजना नहोस् भन्ने उद्देश्यका साथ यस किसिमको सहकार्य गर्दै जाने आस्पतालका व्यवस्थापक हरि ढकालले बताएका छन् ।