पाटन प्याथल्याव सञ्चालनमा

हेल्थ टुडे
पाटन अस्पताल अगाडि रहेको कर्मचारी सञ्चयकोष भवनको चौथो तलामा अत्याधुनिक सेवा सहित पाटन प्याथल्याव सञ्चालनमा आएको छ ।
प्याथोलोजीको विपी कोइराला क्यान्सर अस्पतालका अध्यक्ष डा.प्रकाशराज न्यौपाने, निर्वाचन आयोगका पूर्व प्रमुख आयुक्त निलकण्ठ उप्रेती, हास्य कलाकार दीपकराज गिरी, दिपीश्री निरौला र प्याथल्यावका प्रवन्ध निर्देशक रेशम भट्टराईले रिवन काटेर सुभारम्भ गरेका छन् ।
अत्याधुनिक उपकरण, दक्ष जनशक्ति र पायक पर्ने स्थानमा स्थापना गरिएको यो प्थायोलोजीले सर्वसाधारणको चाहनालाई ध्यानमा राखेर छिटो रिपोर्ट उपलब्ध गराउने प्याथालोजीका प्रवन्ध निर्देशक भट्टराईले बताए । उनले भने, ‘गुणस्तरिय र छिटोेछरितो सेवा उपलब्ध गराउन पाटन प्याथल्याव खोलेका हौ । हामी हाम्रो मिसनमा दृढ छौ ।’
पाटन प्थाथल्यावको डिजाइन, उपकरण, जनशक्ति र सेवा आईएसओ प्राप्त ल्याव सरह रहेको भट्टराईको दाबी छ । यहाँ युरिन स्टुलको जाचँदेखि युरिक एसिड,सुगर, प्याप स्मेयर, थायरोइड लगायतको परिक्षण सुरु भएको उनले बताए । कार्यक्रममा कलाकार दीपकराज गिरीले स्वास्थ्य परिक्षणको रिपोर्टका भरमा मात्र डाक्टरले उपचार गर्ने भएकाले सवभन्दा पहिले ल्यावको रिपोर्ट विश्वसनिय हुनु पर्ने बताए ।
उनले भने, ‘पाटन प्याथल्यावले विश्वसनिय रिपोर्ट दिनेछ भन्ने हाम्रो विश्वास छ ।’ निर्वाचन आयोगका पूर्व प्रमुख आयुक्त उप्रेतिले गुणस्तरीय रिपोर्ट उपलब्ध गराउने प्याथोलोजीको आवश्यक भएको बताउदै त्यो आवश्यकता पाटन प्याथल्यावले पुरा गर्ने विश्वास व्यक्त गरे ।