शिल्पाले सार्वजनिक गरिन् हेल्थ वेभसाइट

हेल्थ टुडे
बाबा रामदेबसँग कठिन कठिन योग गरेर होस् वा योग सम्बन्धि एल्बम निकालेर पछिल्लो समय थप चर्चामा आएकी बलिउड नायिका शिल्पा सेट्टीले स्वास्थ्य सम्बन्धि नयाँ वेबसाइट सार्वजनिक गरेकी छिन् । हेल्थ एण्ड वेलनेस नामक उक्त वेभसाइटको स्लोगन स्वस्थ खानुहोस् शिल्पासँग छ । ४१ वर्षीय शिल्पाको वेभसाइडमा योग र स्वास्थ्यसँग जोडिएका दर्जनौ भिडियो र जानकारी राखिएका छन् । दशिल्पासेट्टी डटकम टाइप गरेर उनको वेभसाइट हेर्न र सुन्न सकिन्छ । वेबसाइट सार्वजनिक कार्यक्रममा शिल्पाका पति राज कुन्द्रा, आमा सुनन्दा सेट्टी, बहिनी शमिता सेट्टी र छोरा बिवानलगायत थुप्रै बलिउड कलाकार र शुभचिन्तकको उपस्थिति थियो । स्लिम रहन शिल्पा लगायतका सयौं बलिउड कलाकारले स्वस्थ्यप्रति संवेदनसिल हुनुका साथै योग गर्ने गरेका छन् । (एजेन्सीको सहयोगमा )