दार्चुला जिल्ला अस्पतालमा रहेको एक मात्र एक्सरे मेसिन बिग्रिएपछि विरामीको विजोग भएको छ । एक्सरे गर्न समेत नपाएपछि उपाचरका लागि अस्पताल आउने विरामी सिमापारी भारत जान बाध्य भएका छन् । एक्सरे नभएपछि दैनिक दर्जनौ विरामी एक्सरेकै लागि भारत जाने गरेको जिल्ला अस्पताल दार्चुलाका प्रमुख डा. रविरञ्जन शाहले बताए ।
विद्युत् लाइनमा उच्च भोल्टेज आउँदा एक्सरे मेसिनको ट्रान्सर्फमर बिग्रेकाले एक्सरे सेवा अबरुद्ध भएको हो । यसका साथै जिल्ला अस्पतालमा बिगत ४ वर्षदेखि टेलिमेडिसिन सेवा अबरुद्ध रहेको छ । तिन वर्ष पहिले आएको महाकाली नदीको बाढीले क्षति पुर्याएपछि जिल्ला अस्पताल दार्चुलाको टेलिमेडिसिन सेवा प्रभावित भएको थियो । यस अघि काठमाडौंको पाटन अस्पतालका विशेषज्ञ डाक्टरहरुसँग इन्टरनेट भिडियो सम्पर्क गरी स्वास्थ्य समस्याको समाधान एवं उपचार गर्ने गरिएको थियो ।
उक्त मेसिनका अधिकांश पार्टहरु खिया लागेर काम नलाग्ने भइसकेको र नयाँ पार्टपूर्जाहरु बदल्नुपर्ने भएको अस्पतालले जनाएको छ । सुदूरपश्चिमको पनि दुर्गम मानिने जिल्ला दार्चुलामा सञ्चालित टेलिमेडिसिन जस्तो प्रभाकारी स्वास्थ्य सेवा अबरुद्ध भएको ४ वर्ष बितिसक्दा समेत पुनः सन्चालन गर्न नसक्दा दार्चुलाका स्थानीयहरु समस्यामा परेका छन् ।
Leave a Reply