औषधि व्यवस्था विभागका नाममा पुनः अन्तरिमआदेश

अहार परिपूरक खाद्यपदार्थ (डाइटरी सप्लिमेन्ट फूड) को उत्पादन, आयात, निर्यात र विक्री बितरणमा रोक लगाउने औषधि व्यवस्था विभागको निर्णय कार्यन्वयन नगर्न नगराउन उच्च अदालत पाटनले पुनः अन्तरिम आदेश जारी गरेको छ । न्यायधिसहरु लेखनाथ घिमिरे र भालानाथ चापागाईको संयुक्त इजलासले उक्त अन्तरिम आदेश जारी गरेको हो ।

औषधि व्यवस्था विभागले २०७३ माघ २७ गते सूचना प्रकाशित गरि फर्मास्विटिकल्स बनावट भएका ट्यावलेट, क्पाप्सुल, झोल, पाउडर सहितका आहार परिपूरक (डाइटरी सप्लिमेन्ट) खाद्य पदार्थको उत्पादन, आयातनिर्यात तथा विक्रीबितरणमा रोक लगाउने सूचना प्रकाशित गरेपछि शिव साई मेडी इन्टरप्राइजेजका सञ्चालक इन्द्रबहादुर आलेले विभागलाई बिपक्षी बनाएर रिट दायर गरेका थिए । कुनै पनि खाद्य सम्बन्धी बस्तुको उत्पादन तथा आयात निर्यात र विक्रीबितरण गर्न दिने वा नदिने अधिकार खाद्य प्रविधि तथा गुण नियन्त्रण विभागको भएको र औषधि व्यवस्था विभागले ठाडो हस्तक्षेप गरि आयात र विक्रीबितरणमा रोक लगाउनु गैरकानूनी भएकोले उक्त निर्णय कार्यन्वयन नगर्न आलेले जिकीर गरेका थिए ।

अदालतले दुबै पक्षका बयान, कानून र प्रमाणका आधारमा औषधि व्यवस्था विभागको निर्णय कार्यन्वयन नगर्न भदौ २ गते अन्तरिम आदेश जारी गरेको थियो । त्यही अन्तरिम आदेशलाई अदालतले फेरि निरन्तरता दिएको हो । डाइटरी सप्लिमेन्ट न्युट्रास्युटिकल्स समेत आहार परिपूरक खाद्यपदार्थको रुपमा विक्री बितरण, उत्पादन, आयात र निर्यात गर्न दिने वा नदिने अधिकार कानून अनुसार खाद्य प्रविधि तथा गुण नियन्त्रण विभागलाई भएको भनि उक्त खाद्य प्रविधि तथा गुण नियन्त्रण विभागले लिखित जवाफ दिएको थियो ।

सोही जवाफ र विद्यामान कानूनी अवस्थाका आधारमा अदालतले निर्णय कार्यन्वयन नगर्न नगराउन औषधि व्यवस्था विभागका नाममा अन्तरिक आदेश जारी गरेको हो । निवेदकको तर्फबाट अधिवक्ता कल्पित पराजुली र विपक्षीका तर्फबाट उपमहान्याधिवक्ता गोविन्द प्रसाद उपाध्यायले बसह गरेका थिए ।