हेल्थ टुडे
चिकित्साशास्त्र अध्ययन संस्थान (आइओएम) ले गत महिना लिएको एमबिबिएस प्रवेश परीक्षामा चिट चोराउने गिरोहमा संलग्न १२ जनालाई धरौटीमा छुटेका छन् । चिट चोराउने प्रपञ्चका प्रमुख अभियुक्त दुई जना भारतीय भने जेल चलान भएका छन् ।
काठमाडौं जिल्ला अदालतले मुख्य अभियुक्तलाई दोशी ठहर गर्दै पुर्पक्षका लागि थुनामा राख्ने आदेश दिदै अन्य १२ जनालाई न्युनतम धरौटीमा छाड्न आदेश दिएपछि उनीहरु छुटेका हुन । महानगरिय परिसर काठमाडौंका एसपी रामदत्त जोशीका अनुसार भारतीय नागरिक विशकदेब र शौरभकुमारलाई जेल चलान गरिएको छ । चिट चोराउने गिरोहका आरोपी मध्ये समिर झालाई ५० हजार धरौटीमा रिहा गरेको छ भने अन्य १२ जनालाई जनही २५ हजार रुपैया लिएर छोडेको प्रहरीले जनाएको छ ।
घरौटीमा छुटेकाहरु डा. शुशिल मण्डल, अभय मिश्र, शैलेन्द्रकुमार झा, देवेश झा, नवराज निरौला, आशुतोश झा, हिरेन्द्र शर्मा, मुकेश राय, राहुल झा, शिखा झा र महेन्द्र ठाकुर छन् । उनीहरुलाई प्रहरीले असोज २८ गते पक्राउ गरेको थियो । नेपालको इतिहासमा डिभाइस मार्फत एमबिबिएसको प्रवेश परीक्षामा चिट चोरिएको यो पहिलो घटना हो । यति ठूलो गम्भिर गल्तीहरुलाई न्यूनतम धरौटीमा छोडेकोमा स्वयं प्रहरी नै सन्तुष्ट छैन । उनीहरुलाई संगठित अपराध अन्तरगत जेल हाल्नु पर्नेमा प्रहरी थियो ।
Leave a Reply