एमबिबिएस प्रवेश परीक्षाको मिति चाडैं तोकिने

हेल्थ टुडे

चिकित्साशास्त्र अध्ययन संस्थान (आईओएम) ले गत असोजमा लिएको एमबिबिएस प्रवेश परीक्षाका क्रममा विद्यार्थीहरुले गोप्य डिभाइस मार्फत चिट चोरेको पुष्टि भएपछि रद्द गरिएको उक्त प्रवेश परीक्षाको मिति चाडैं तोकिने आईओएमले जनाएको छ ।

डिभाइस मार्फत चिट चोरेको पुष्टि भएपछि पुन प्रवेश परीक्षा लिने वा नलिने निर्णय लिन त्रिवि कार्यकारी परिषद्ले आईओएमलाई अधिकार दिएको थियो । आईओएमले परीक्षामा चिट चोरिएको पुष्टि भएपछि हिजोमात्र उक्त प्रवेश परीक्षा रद्द गरेको थियो । आईओएमका डीन डा. जगदीश अग्रवालले पुन प्रवेश परीक्षाको मिति छिट्टै प्रकाशित हुने बताएका छन् । गत असोजमा लिइएको एमबिबिएस प्रवेश परीक्षामा ९ हजार विद्यार्थी सामेल भएका थिए । परीक्षामा अनियमितता भएको भन्दै विभिन्न विद्यार्थी संगठन र नागरिक समाजले पनि उक्त परीक्षा रद्द हुनु पर्ने माग गर्दै आइरहेका थिए ।

आईओएमले पन प्रवेश परीक्षा लिने भएपछि विद्यार्थीहरुको पढाई भने तीन महिना पछिाडि धकेलिने भएको छ । आईओएमले यस अगाडि लिने एमबिबिएसका प्रवेश परीक्षाका बेला सानातिना अनियमितताका घटना हुने गरेको भएपनि डिभाइस मार्फत नै चिट चोराउने गिरोह सक्रिय भएको यो पहिलो पटक हो । अन्य मेडिकल कलेजहरुको तुलनामा आईओएमले लिने एमबिबिएस प्रवेश परीक्षालाई निपक्षका रुपमा हेर्ने गरिन्छ ।