स्वास्थ्य विमाको कार्यकारी निर्देशकबाट डा. लोहनीको राजिनामा

हेल्थ टुडे

काठमाडौं : समाजिक स्वास्थ्य सुरक्षा विकास समिति (स्वास्थ्य विमा) को कार्यकारी निर्देशक पदबाट डा. गुणराज लोहनीले राजिनामा दिएका छन् । स्वास्थ्य विमा ऐन दुई महिना पहिले संसदबाट पास भएपछि अहिले नियमावली बन्ने क्रममा छ ।

ऐनले समितिको कार्यकारी निर्देशक खुल्ला प्रतिस्पर्धाका माध्यमबाट छनौट गर्नु पर्ने उल्लेख गरेको छ । खुल्ला कार्यकारी निर्देशक छनौट प्रकृयालाई सहज बनाउन आफूले पदबाट राजिनामा दिएको डा. लोहनीले बताए । उनले भने, ‘ मैले खुल्ला प्रतिस्पर्धाका माध्यमबाट कार्यकारी निर्देशक चयन गर्न सहज होस भनेर राजिनामा दिएको हु । ’ स्रोतका अनुसार खुल्ला प्रतिस्पर्धाबाट कार्यकारी निर्देशक हुन डा. लोहनीले राजिनामा दिएका हुन ।

आर्थिक वर्ष २०७२।०७३ वाट कैलाली, बाग्लुङ र धनकुटाबाट सुरु गरिएको स्वास्थ्य विमा कार्यक्रम बिस्तारै देशभरि नै सञ्चालन गर्ने तयारी सरकारले गरेको छ । डा. लोहनी यो कार्यक्रम सुरु भएदेखि नै कार्यकारी निर्देशक पदमा थिए ।