हरिवंश सहित ७६ हजार आँखा दान गर्न तयार

हेल्थ टुडे

काठमाडौं : ७६ हजार नेपालीले आफ्नो मृत्यु पश्चात आखा दान दिन तयार रहेका छन् । राजधानीको तिलगंगा आखा प्रतिष्ठानको आखा बैंकमा हालसम्म ७६ हजार जनाले आखा दानका दिन इच्छापत्र दिएका छन् । यो संख्या पछिल्ला वर्ष बढीरहेको पाइएको आखा बैंकका व्यवस्थान प्रमुख पंखनारायाण त्वयना बताउछन् । तिलगंगाले दान गरेका आखा अर्को व्यक्तिमा प्रत्यारोपण गर्ने गरेको छ । आखा दान गरेका व्यक्तिका आफन्तले दाताको मृत्यु पछि अस्पताललाई खवर नगर्ने भएकाले दान गरेको आखा पाउन अस्पताललाई सहज भने नभएको त्वयनाले बताए । उनका अनुसार गएको वर्ष तिलगंगा आखा प्रतिष्ठनाले दान स्वरुप ८ सय ५७ आखा प्राप्त गरेको थियो ।

दृष्टिविहीन व्यक्तिमा दान गरिएको आखाको नानी प्रत्यारोपण गरेर नयाँ संसार देखाउन सकिने भएकाले आखा दान सबैभन्दा ठूलो दान भएको तिलगंगा आखा अस्पतालकी प्रमुख कार्यकारी एवं नेत्र रोग विज्ञ डा. रिता गुरुङ बताउछिन् । अन्धोपन निवारणका लागि सरकारले आखा दान अधियानलाई देशव्यापी लैजानु पर्ने उनको सुभाव छ । सरकारले गरेको अन्धोपन सर्वेक्षण अनुसार नेपालमा प्रति हजार व्यक्तिमा एक जनामा देष्टिबिहिनको समस्या छ । नानी बिग्रेका कारण देष्टिविहीन भएका व्यक्तिको हकमा आखा दानले ठूलो भूमिका खेल्ने डा. गुरुङले बताइन । नेपालमा आखा स्वास्थ्यमा सरकारले ध्यान दिन सकेको छैन । तिलगंगा प्रतिष्ठानले आखा रोग उपचारमा स्वदेशमा मात्र नभएर विदेशमा समेत प्रशंसनिय काम गरिरहेको छ । प्रतिष्ठानका प्रमुख विशेषज्ञ डा. सुन्दुक रुइतको प्रयास स्वरुप प्रतिष्ठानले यो उचाई पाएको विज्ञहरु बताउछन् ।

वरिष्ठ हास्य कलाकार हरिबंश आचार्यले आफ्नो मृत्यु पश्चात गरेको आखा दानले अर्को व्यक्तिले बर्षौ संसार देख्ने हुनाले यो दान जतिको ठूलो कुनै दान नभएको बताए । आफ्नी स्वर्गिय पत्नी मिरा आचार्यले दान गरेको आखाले एक व्यक्तीले अहिले संसार देखिरहेको बताउदै उनले आफुले पनि आखा सहित सरीरका काम लाग्ने अंग दान गरिसकेको बताए ।