कुष्ठरोगको उपचारकालागि ६ सय भारतीय

हेल्थ टुडे

काठमाडौं, १८ पुष : नेपालमा कुष्ठरोगको उपचार सहज र प्रभावकारी भएकाले भारतीय समेत उपचारका लागि नेपाल आउने गरेका छन् । सरकारले कुष्ठरोगको उपचार निशुल्क गर्नुका साथै यातायत खर्च समेत उपलब्ध गराउने गरेको छ । केन्द्रिय अस्पतालदेखि स्वास्थ्य चौधीसम्म कुष्ठरोगको औषधि निशुल्क उपलब्ध छ । कुष्ठरोग उपचारमा विदेशी दाताहरुको ठूलो सहयोग रहेको छ । स्वास्थ्य मन्त्रालय, कुष्ठरोग नियन्त्रण महासाखाको तथ्यांक अनुसार अहिले करिव ६ सय भारतीय नेपालमा कुष्ठरोगको उपचार गराइरहेका छन् । नेपालबाट सरकारले आठ वर्ष पहिले नै कुष्ठरोग निवारण गरेको घोषणा गरिसकेको भएपनि अहिले पनि हरेक वर्ष करिव ३ हजार कुष्ठरोगका नयाँ बिरामी थपिने गरेको महासाखाका निर्देशक मोहम्मद दाउदले बताए ।

अझै पनि कुष्ठरोगलाई लुकाउन गरिएकाले सबै विरामी उपचारमा आउन सकिरहेका छैनन् । लुकेर रहेका कुष्ठरोगीलाई उपचारमा ल्याउन सरकारले बाके, बर्दिया लगायतका जिल्लामा विरामी खोज्ने अभियान नै सञ्चालन गरेको छ । ललितपुरको लेलेमा रहेको आनन्द बन अस्पतालले सबैभन्दा बढी कुष्ठरोगीको उपचार गर्ने गरेको छ ।