प्रोस्थोडोन्टिष्ट समाजको पाँचौ सम्मेलन धुलिखेलमा

हेल्थ टुडे

काठमाडौ, १९ पुष : नेप्लीज प्रोस्थोडोन्टिक सोसाईटी (दन्च चिकित्सक) को पाचौ राष्ट्रिय सम्मेलन यही पौष २८ र २९ गते धुलिखेलमा हुने भएको छ । सम्मेलन र ब्यापार प्रर्दशनी काठमाडौं बिश्वविद्यालय धुलिखेल अस्पतालको अडिटोरियम र  धुलिखेल  लज रिर्जाेटमा हुने छ । प्रोस्थोडोन्सियामा डिजिटल प्रविधिलाई बढावा भन्ने नाराका साथ हुने उक्त सम्मेलनको ८५ प्रतिशत तयारी पुरा भइसकेको जानकारी आयोजक समितिले दिएको छ । सम्मेलन आयोजक समितीमा अध्यक्ष डा. प्रमोदजोशी, सचिव डा. सिद्धार्थ दिक्षित, बैज्ञानिक शत्र अध्यक्ष डा. प्रभात श्रेष्ठ, स्थान तथा ट्रेड ब्यवस्थापन डा.दिपक थापा, आर्थिक डा. कञ्चना घिमिरे र प्रचार प्रसारमा डा. प्रकाश बुढाथोकी सहित १२ जना दन्त चिकित्सक छन् ।

पहिलो दिनको प्रथम सत्रमा क्याड क्यामसम्बन्धी प्रशिक्षण तथा प्रयोगात्मक अभ्यास हुने छ भने दोश्रो सत्रमा  स्नातोकोत्तर अध्ययनरत दन्त चिकित्सकहरुको प्रतियोगितात्मक पोस्टर तथा शोधपत्र हुनेछन् । दोश्रो दिन शनिवारका दिन अन्तराष्ट्रिय तथा राष्ट्रिय वक्ताहरुले विभिन्न विषयमा शोधपत्रहरु हुनेछन । अमेरिका, अस्ट्रेलिया,जर्मनी, स्विटजरल्याण्ड, हड्डकड्ड, बंगलादेश, भारत र नेपालका विज्ञहरुले ईम्प्लान्ट,नक्कली दात,आखा, कान गिजा र नक्कली दात, तार बान्ने लगायतका बिषयमा सोधपत्र प्रस्तुत गर्ने छन । सम्मेलनको उद्देश्य अनुसार खोज  तथा सोधपत्र  मात्र स्विकार गरिएको जानकारी सोसाईटीका अध्यक्ष डा. बिनोद आचार्य र सम्मेलनका बैज्ञानिक सत्रका अध्यक्ष डा. प्रभात श्रेष्ठले जानकारी दिए ।

बैज्ञानिक सत्र पश्चात नेपाली प्रोस्थोडोन्टिक सोसाईटीको साधारण सभामार्फत २ बर्षका लागि ९ सदस्यीय  कार्यकारी समिती चयन हुने सोसाईटीका महासचिव डा. सुरजभक्त माथेमाले बताए ।  । सम्मेलन स्थलमा एक दर्जन बढी दन्त सामग्री बिक्रेता, बितरक तथा नक्कली दात बनाउने ल्याबहरुले आफ्ना स्टल राख्नेछन् ।  एक दर्जन अन्तरराष्ट्रिय सहभागीले सहभागीता निश्चित गरिसकेका छन भने संख्या थपिदै गएको आयोजकले बताएको छ । सम्मेलनमा दन्त चिकित्सा क्षेत्रका २ सय बढी सहभागी हुने  सम्मेलन प्रचारप्रसार संयोजक डा.प्रकाश बुढाथोकीले बताए ।  सम्मेलनमा सहभागी हुने सबैले नेपाल मेडिकल काउन्सिलले मान्यता दिएको नेपाल चिकित्सक संघको सि.पी.डि.क्रेडिट प्वाईण्ट समेत पाउने डा. बुढाथोकीले  जानकारी दिए ।