हेल्थ टुडे,
ललितपुर, २६ फागुन : सानेपास्थित स्टार हस्पिटलले आफ्नो १२ औं वार्षिकोत्सवको अवसर पारेर शनिबार वृहत साइकल र्यालीको आयोजना गरेको छ । ‘राइडिङ साइकल फोर अ लंगर लाइफसाइकल ’ भन्ने नाराका साथ स्टार हस्पिटल सानेपाबाट सुरु भएको उक्त र्याली पुल्चोक, पाटन दरबारस्क्वायर, नयाँ बानेश्वर, माइतीघर, नया सडक, कालिमाटी हुँदै करीब ३० किलोमिटर यात्रा तय गरी कीर्तिपुर पुगी समापन गरिएको थियो । उक्त र्यालीको वातावरण तथा जनस्ंखायमन्त्री लालबाबु पण्डितले उद्घाटन गरेका थिए । कार्यक्रमका अस्पतालका प्रबन्ध निर्देशक डा. शैल रुपाखेतीले सामाजिक उत्तरदायित्व अनुरुप सभ्य, स्वास्थ समाजको निर्माण तथा दिनप्रतिदिन बिग्रदै गईरहेको काठमाडौंको वातावरण जोगाउनकालागि आम जनसमुदायमा जनचेतना फैलाउँदै जागरुप बनाउन वृहत साइकल र्यालीको आयोजना गरिएको बताए । उनले साइकल यात्रीहरुलाई ध्यानमा राखि हस्पिटल प्राङ्गढमा साइकल स्टाण्डको निमार्ण गरिने बताए ।
विश्व महिला दिवस र विश्व मृगौला दिवसलाई समेत ध्यानमा राखेर महिला र पुरुष दुबैैलाई बराबर सहभागि गरिएको थियो । डा. रुपाखेतीले भने, ‘पछिल्लो समय मानिसको जीवनशैली प्राय निस्कृय हुँदै गएका कारणले विभिन्न रोग बाट ग्रसित बिरामीको संख्यामा उल्लेखिय वृद्धि हुँदै गइरहेको छ । त्यसैले नियमित व्यायाम गर्ने, खेलकुदमा सहभागी हुने, आफ्नो तौल नियन्त्रण गर्ने कार्य लगायतले हामी स्वास्थ्य रहन सक्दछौँ र यसका लागि साइक्लीङ्गको भुमिका पनि उत्तिकै महत्वपूर्ण छ । ’
वल्र्ड साइकल टुर क्याम्पेनसंगको सहकार्यमा आयोजना गरिएको कार्यक्रममा करिब ३०० साइकल यात्रीहरुको सहभागीता रहेको थियो । सहभागीहरुलाई हस्पिटलले उपचार सेवामा डिस्काउन्ट कार्डको व्यवस्था गरेको छ । कार्यक्रममा मन्त्री पण्डितले काठमाडौंलाई साइकल मैत्री बनाउँदै मास्क लगाउनु नपर्ने अवस्था सृजना गर्ने दावी गरे । कार्यक्रममा विश्व साइकल टुर साइकल यात्री पुस्कर शाहलाई सम्मानित गरिएको थियो । अस्पतालका अध्यक्ष ई. वसन्त चन्दमरहट्टाको अध्यक्षतामा सम्पन्न कार्यक्रममा डा. रुपाखेती, पुस्कर शाह र साइकल कविर महर्जनले मन्तव्य राखेका थिए । बार्षिकोत्सवका अवसरमा अस्पतालले यही फाल्गुण २७, २८ र २९ गते अस्पतालका निःशुल्क ओ.पि.डी सेवा संचालन गर्ने अस्पतालले जनाएको छ ।
Leave a Reply