हेल्थ टुडे,
बाँके, १० असारः बाँके जिल्लाको खजुरा स्थित शुशील कोइराला क्यान्सर अस्पतालले सोमबार देखि ओपिडी सेवा शुरु गर्ने भएको छ ।
सेवा सञ्चालनका लागि स्वास्थ्यकर्मी र कर्मचारीको व्यवस्थाका साथै सबैखाले उपकरण जडान भइसकेको अस्पतालका अध्यक्ष किश्मत कुमार कक्षपतिले बताउनुभयो ।
ओपिडी सेवा सञ्चालनका लागि अस्पताल व्यवस्थापन समितिले चिकित्सक, स्वास्थ्यकर्मी र कर्मचारीको व्यवस्थापन र सबैखाले उपकरण जडान गरिसकेको छ । अस्पताल परिसरमा शनिबार आयोजना गरिएको पत्रकार सम्मेलनमा अस्पताल व्यवस्थापन समितिका अध्यक्ष कक्षपतिले ११ गते सोमबार स्वास्थ्यमन्त्री उपेन्द्र यादवले ओपिडी सेवाको शुभारम्भ गर्ने कार्यक्रम तय भइसकेको बताउनुभयो ।
उहाँका अनुसार १०० श्ययाको मान्यता पाएको सो अस्पतालले शुरुमा ५९ श्ययाबाट आफ्नो सेवा प्रारम्भ गर्नेछ । सो अस्पतालका लागि चालू आर्थिक वर्षमा रु १८ करोड बजेट विनियोजना गरिएको छ ।
प्रदेश नं ५, कर्णाली र ७ का नागरिक सो अस्पतालमा बाट लाभान्वित बताइएको छ । विसं २०६५मा शुरु गरिएको अस्पतालमा हालसम्म रु ३५ करोड भन्दा बढी लगानी भइसकेको छ ।
Leave a Reply