उपचार खर्चमा १५% छुट प्रदान गर्ने सहमती

हेल्थ टुडे,
काठमाडौं, ८ भदौः स्टार हस्पिटल, सानेपा, ललितपुर र कुमारी बैँक लिमिटेड काठमाण्डौँ बिच सहकार्य गर्ने सम्बन्धको सम्झौता पत्रमा हस्ताक्षर भएको छ । बुधबार भएको सम्झौता सम्झौतामा स्टार हस्पिटलको तर्फबाट अस्पतालका सि.ओ.ओ डा. सन्देश जि. सी तथा कुमारी बैँकका तर्फबाट बैँकका डिपुटी सि.ई.ओ राजिव गिरीले हस्ताक्षर गरेका हुन् ।
सम्झौता अनुसार स्टार हस्पिटलले कुमारी बैँकका कार्मचारी, ग्राहक तथा कुमारी स्वास्थ्य जिवन बचत खाता भएका ग्राहकहरु लाई उपचार खर्चमा १५% सम्म छुट प्रदान गर्ने छ । छुट सुविधा प्राप्त गर्न सेवाग्राहीहरुले बैँकको डेविट वा क्रेडिट कार्ड मध्ये कुनै एक देखाउनुपर्नेछ भने बैकका कर्मचारीहरुले आफ्नो परिचय पत्र देखाउनुपर्ने अस्पतालका व्यवस्थापक हरि ढकालले बताउनुभएको छ ।