थाइल्यान्डका प्रधानमन्त्रीद्धारा औषधि र स्वास्थ्य उपकरण उपहार

हेल्थ टुडे,
काठमाडौं, १५ भदौः बहुपक्षीय प्राविधिक तथा आर्थिक सहयोगका लागि बंगालका खाडीको प्रयास (बिमस्टेक) को चौथो शिखर सम्मेलनमा सहभागी हुन आएका थाइल्यान्डका प्रधानमन्त्री प्रयुत चान ओ चाले औषधि र स्वास्थ्य उपकरण उपहार दिनुभएको छ ।
थाइ प्रधानमन्त्री चाले नेपालका प्रधानमन्त्री केपी शर्मा ओलीलाई १६ करोड १५ लाख मुल्य बराबरको औषधि र उपकरण उपहार दिनुभएको हो । सम्मेलनपछि भएको बहुपक्षिय बैठकमा उक्त उपहार प्रदान गर्ने सम्झौता भएको छ ।
यही भदौ १४ देखी सुरु भएको सम्मेलन आज सकिदैछ । बिहिबार बिमस्टेकको चौथो शिखर सम्मेलनमा सहभागी हुन नेपाल आएका चा आज स्वदेश फर्कने कार्यक्रम रहेको छ ।