सरकारी चिकित्सकहरुको आन्दोलन दुई दिनभित्र टुङ्गिने सरकारको दावी

हेल्थ टुडे,
काठमाडौ,२९ चैतः सरकारले आन्दोलनरत चिकित्सकहरुलाई काममा फर्किन आग्रह गरेको छ । नियमित पत्रकार सम्मेलनमा सरकारका प्रवक्ता एवं सञ्चार तथा सूचना प्रविधिमन्त्री गोकुल बास्कोटाले सरकारले जायज माग पूरा गर्ने भन्दै दुईदिन भित्र चिकित्सकको आन्दोलन टुङ्गिने दावी गर्नुभएको हो ।

आन्दोलनरत चिकित्सकसंग अनौपचारिक छलफल भईरहेको र छलफल सहमति नजिक पुगेको प्रवक्ता बास्कोटाको दावी छ । उनले खटाएको ठाउँमा गएर सेवा गरी संघीयता कार्यान्वयन गर्ने सरकारको प्रयासलाई सहयोग गर्न समेत चिकित्सकलाई आग्रह गरे ।

समायोजनका क्रममा केही नमिलेको भए त्यसलाई सच्याउन तयार रहेको तर समायोजनलाई अर्को अर्थमा लान खाजे सरकार आफ्नो बाटो समात्न बाध्य हुने उनले चेतावनी दिए ।

प्रवक्ता बास्कोटाले ठूलो संख्यामा समायोजन हुँदा केही प्रावधिक रुपमा समस्या भएको, वित्ति विकासमा वा ब्यबहारिक रुपमा कठिनाई परेको भए समाधान गर्न सरकार तयार रहेको बताए ।