हेल्थ टुडे,
काठमाडौ,५ बैशाखः कीर्तिपुरस्थित राष्ट्रिय आयुर्वेद अनुसन्धान तथा तालिम केन्द्रका कर्मचारीले तालिम केन्द्रमा तालाबन्दी गरेका छन् । कर्मचारीहरुले चार महिनादेखि तलब नपाएको भन्दै तालाबन्दी गरेका हुन् । तलब नपाएपछि बिहान बेलुकी छाक टार्न र छोराछोरीको विद्यालयको शुल्क तिर्न समेत नसकेको कर्मचारीले गुनाशो गरेका छन् ।
चार महिनादेखि तलब नपाएपछि संघर्ष समिति गठन गरेका कर्मचारी संघर्ष समितिका संयोजक जय भण्डारीले करार सम्झौता अनुसार पाउने तलबभत्ता नपाउँदा रोजीरोटीमा समेत समस्या भएको भन्दै दुःख पोखे ।
राष्ट्रिय आयुर्वेद अनुसन्धान तथा तालिम केन्द्रका निर्देशक डा. सिद्धार्थ ठाकुरले तलब दिन नसकिएको स्वीकार गर्दै अब केही दिनभित्रै तलब दिने दावी गरे । कर्मचारीले तलब नपाएको विषयमा स्वास्थ्य तथा जनसंख्या मन्त्रालयमा छलफल भइसकेको उनले जानकारी दिए ।
निर्देशक डा.ठाकुरले कतिपय स्वास्थ्य संस्थामा साउनबाटै तलब नपाएको र केन्द्रमा पनि विगत चार महिनादेखि तलब खुवाउन नसकिएको जनाए ।
Leave a Reply