वरिष्ठ स्वास्थ्य पत्रकार मिश्रलाई पितृ शोक

हेल्थ टुडे,
काठमाडौ,१९ बैशाखः
वरिष्ठ स्वास्थ्य पत्रकार एंव कान्तिपुर दैनिकका रिपोर्टिङ चिफ अतुल मिश्रका बुवा जयानन्द मिश्रको ८८ वर्षको उमेरमा निधन भएको छ । एक महिनादेखि अस्वस्थ रहनुभएका मिश्रको उपचारको क्रममा विहिबार विहान ११ बजे त्रिवि शिक्षण अस्पताल महाराजगञ्जमा निधन भएको हो ।
नेपाल सरकारको विडिओ (ब्लक डेभ्लपमेन्ट अफिसर) रहनुभएका मिश्रले प्रजातान्त्रिक विचारधाराका कारण तत्कालिन पञ्चायतको तिव्र दवावले जागिर छोड्नुपरेको थियो ।
तत्कालिन शाहीकालबिरुद्ध चलेको प्रजातान्त्रीक आन्दोलनको क्रममा उहाँले अग्रमोर्चामा रहेर प्रजातन्त्र प्राप्तिको लागि अग्रणी भूमिका खेल्नुभएको थियो । शाहीकालमा प्रतिबन्धित नेपाली कांग्रेसका तर्फबाट राजविराज नगरपालिकाको मेयरको प्रत्याशी रहनुभएका मिश्रले त्यसताका शाही सरकारविरूद्ध १० दिनसम्म आमरण अनशन बस्नुभएको थियो ।
विएसम्मको औपचारिक शिक्षा पुरा गर्नुभएका स्वर्गीय मिश्रका श्रीमती,दुई छोरा र दुई छोरी छन् । स्वर्गीय मिश्रको अन्तिम दाहसंस्कार शुक्रबार राजविराजमा गरिने पारिवारिक श्रोतले जनाएको छ ।