हेल्थ टुडे,
काठमाडौ,१४ जेठः गत साउनदेखि फागुनसम्म ८ महिनाको अवधिमा नेपालका विभिन्न स्वास्थ्य संस्थामा ४ लाख ८३ हजार बिरामी भर्ना भएका छन् । अर्थमन्त्री डा.युवराज खतिवडाले सोमबार संसदमा सार्वजनिक गरेको आर्थिक सर्वेक्षणमा चालु आर्थिक वर्ष २०७५–७६ को फागुन मसान्तसम्ममा ४ लाख ८३ हजार बिरामीहरु अस्पतालमा भर्ना भएका उल्लेख छ । यस्तै, ८ महिनाको अवधिमा नेपालका स्वास्थ्य संस्थाबाट १ करोड ५ लाख पटक ओपीडी सेवा लिएका छन् । आर्थिक सर्वेक्षणका अनुसार देशभरका स्वास्थ्यसंख्याबाट १ करोड ५ लाख पटक स्वास्थ्य सेवा प्रवाह भएको हो ।
८ महिनाको अवधिमा ८ लाख ७५ हजार बिरामीले आकस्मिक सेवा लिएको आर्थिक सर्वेक्षणको तथ्यांकमा उल्लेख छ । अस्पतालबाट ओपीडी, आकस्मिक र भर्ना भएर उपचार सेवा प्रदान गर्नेमा प्रदेश ३ का स्वास्थ्य सेवा अग्रस्थानमा रहेको सर्वेक्षणमा उल्लेख छ । प्रदेशगत विवरण हेर्ने हो भने गत साउनदेखि फागुनसम्ममा प्रदेश नम्बर ३ का स्वास्थ्य संस्थाहरुबाट २७ लाख ६० हजार १ सय ९८ पटक ओपीडी सेवा प्रदान गरिएको छ । यस्तै २ लाख ६१ हजार ५ सय ३१ जनाले भर्ना भएर उपचार गराएका छन् भने, ४ लाख ६० हजार ५ सय १८ हजार बिरामीले आकस्मिक सेवा लिएका छन् ।
यस्तै प्रदेश १ का स्वास्थ्य संस्थाहरुबाट ११ लाख ५६ हजार ४ सय ९८ पटक ओपीडी सेवा प्रदान गरिएको छ । यस्तै ६७ हजार ६ सय ३९ जनाले भर्ना भएर उपचार गराएका छन् भने १ लाख ९ हजार ७ सय २७ हजार बिरामीले आकस्मिक सेवा लिएका छन् ।
यस्तै प्रदेश २ का स्वास्थ्य संस्थाहरुबाट १९ लाख ४३ हजार ७ सय १० पटक ओपीडी सेवा प्रदान गरिएको छ । यस्तै ९ हजार ६ सय १९ जनाले भर्ना भएर उपचार गराएका छन् भने, १५ हजार ७ सय २८ हजार बिरामीले आकस्मिक सेवा पाएका छन् ।
यस्तै, गण्डकी प्रदेश भित्रका स्वास्थ्य सेवाले पनि ८ महिनाको अवधिमा १० लाख ७७ हजार ४ सय ९६ पटक ओपीडी सेवा प्रदान गरेका छन् भने ३९ हजार २ सय ९५ जना बिरामीलाई भर्ना गराएर उपचार सेवा दिएको छ । गण्डकी प्रदेश भित्रका स्वास्थ्य सेवाबाट ८३ हजार ४ सय ७८ बिरामीले आकस्मिक सेवा लिएको आर्थिक सर्वेक्षणको प्रतिवेदनमा उल्लेख छ ।
यस्तै, प्रदेश नम्बर ५ मा १६ लाख ९४ हजार ५ सय २८ पटक ओपीडी सेवा प्रवाह भएको छ भने ६७ हजार ७ सय १४ जनाले भर्ना भएर उपचार सेवा लिएका छन् । प्रदेश पाँचभित्रका स्वास्थ्य सेवाले ९१ हजार ६ सय ६८ जनालाई आकस्मिक सेवा दिएका छन् ।
कर्णाली प्रदेशभित्र साउनदेखि फागुन अन्तिमसम्ममा ६ लाख ५४ हजार ९ सय ३५ जनाले ओपीडी सेवा लिएका छन् । कर्णाली प्रदेशभित्रका स्वास्थ्य सेवामा ८ महिनामा २० हजार ९ सय ३९ जना बिरामीले भर्ना भएर उपचार सेवा लिएका छन् भने ३६ हजार ७ सय ११ जनाले आकस्मिक सेवा लिएका छन् ।
यस्तै सुदूरपश्चिममा १२ लाख ४४ हजार ९ सय ६० जनाले ओपीडी सेवा पाएका छन् भने १६ हजार ८ सय ७१ जनाले भर्ना भएर उपचार सेवा लिएका छन् । सुदूपश्चिम प्रदेशका स्वास्थ्य सेवाबाट ७७ हजार ३ सय ५३ जनाले आकस्मिक सेवा लिएका छन् ।
गत आर्थिक वर्षमा देशभरका स्वास्थ्य सेवाबाट २ करोड १३ लाख ४९ हजार ५ सय १६ पटक ओपीडी सेवा पाएका थिए । देशभर हाल १ सय २५ वटा अस्पताल, ३ सय ८४ वटा आयुर्वेद अस्पताल तथा औषधालय गरी ४ हजार ५ सय १५ वटा स्वास्थ्य सेवा सञ्चालनमा रहेको स्वास्थ्य मन्त्रालयले जनाएको छ ।
Leave a Reply