चुरोट तथा सूर्तिजन्य पदार्थ र मदिरामा कर बृद्धि

हेल्थ टुडे,
काठमाडौ,जेठः सरकारले मदिरा र चुरोट तथा सूर्तिजन्य पदार्थमा कर बृद्धि गरेको छ । बुधबार संसदमा आगामी आर्थिक वर्षको बजेट प्रस्तुत गर्दै अर्थमन्त्री डा.युवराज खतिवडाले मदिरा, चुरोट तथा सूर्तिजन्य पदार्थको कर बढाएको जानकारी दिएका हुन् । उनले जनस्वास्थ्यमा असर गर्ने मदिरा, चुरोट तथा सूर्तिजन्य पदार्थमा थोरै कर बढाइएको बताए ।

सरकारले चालु आर्थिक वर्षमा चुरोटका उत्पादन र बिक्रिमा प्रति खिल्ली २५ पैसा स्वास्थ्य जोखिम कर लगाएको छ। नेपालको सूर्तिजन्य पदार्थमा लाग्दै आएको कर दक्षिण एसियाली मुलुकमै सबैभन्दा कम छ ।

विश्व स्वास्थ्य संगठनले सूर्तिजन्य पदार्थको कर ७० प्रतिशत भन्दा बढी हुनुपर्ने बताउँदै आएको छ। यस्तै, सरकारले सबै सार्वजनिक स्थान र सवारी साधनमा धुमपान र मद्यपान सेवनलाई पूर्ण रुपमा रोक लगाउने घोषणा गरेको छ । सूर्तिजन्य पदार्थको सेवनका कारण बर्षेनी २७ हजार नेपालीको मृत्यु हुने गरेको विभिन्न अनुसन्धानले देखाएको छ ।