स्टार हस्पिटलमा मधुमेह, थाइरोइड तथा हर्मोन विभाग

हेल्थ टुडे,

काठमाडौं, १७ जेठ :  सानेपास्थित स्टार हस्पिटलले स्टार हस्पिटलमा मधुमेह, थाइरोइड तथा हर्मोन विभाग र लाइफस्टाइल एवं योग क्लिनिक सेवा सुभारम्भ गरेको छ । विश्व धूमपान रहित दिवसको अवसर पारेर हस्पिटलले शुक्रबारदेखि यी सेवा सुरु गरेको हो । यी दुबै सेवाको स्वास्थ्य तथा जनसंख्या राज्यमन्त्री डा. सुरेन्द्र कुमार यादव एक समारोहबिच उद्घाटन गरेका हुन । कार्यक्रममा राज्य मन्त्री यादवले नयाँ सेवा सफलताको  शुभकामना व्यक्त गर्दै नेपालीहरुले उपचारका लागि विदेश जानुपर्ने बाध्यता हट्दै गएकोमा खुशी व्यक्त गरे ।

अस्पतालका मेडिकल डाइरेक्टर डा. प्रकाशराज रेग्मीले नसर्ने रोगको संक्रमण कम र नसर्ने रोगको चपेटामा परेका विरामीको उपचारमा यी दुबै बिभागहरुले उत्कृष्ठ सेवा प्रदान गर्ने बताए । मधुमेह थाइरोइड तथा हार्मोन रोग विभागले यी रोगहरुको प्रतिरोधात्मक र उपचारात्मक सेवा प्रदान गर्ने छ भने लाइफस्टाइल र योगा क्लिनिकले मोटोपन घटाउने कार्यक्रम, चुरोट तथा सुर्ती छुटाउने कार्यक्रम, मानसिक तनाव व्यवस्थपान कार्यक्रम र शारीरिक तन्दरुस्ती प्रबद्र्धनको सेवा दिने छ । पछिल्ला दिनमा स्टार हस्पिटलले दक्ष विशेषज्ञहरु मार्फत विशिष्टिकृत सेवा उपलब्ध गराउदै आइरहेको छ ।