हेल्थ टुडे,
काठमाडौ,१० शुक्रबारः नेपालमा पहिलो पटक हेल्थ एण्ड ब्युटी एक्स्पो हुने भएको छ । काठमाडौको प्रदर्शनीमार्गस्थित भृकुटीमण्डपमा आउदो मंसिर ५–७ गतेसम्म ‘हेल्थ एण्ड ब्युटी एक्स्पो नेपाल २०१९’ आयोजना हुने भएको हो । ब्राण्डवर्थ प्राइभेट लिमिटेड र सौन्दर्य कला व्यवसायी संघको संयुक्त आयोजनामा हुन लागेको एक्स्पो ३ दिनसम्म चल्नेछ ।
बिहिबार काठमाडौंमा पत्रकार सम्मेलन गरी आयोजक ब्राण्डवर्थ प्रालिका प्रमुख कार्यकारी अधिकृत मोहन गजुरेलले व्यक्तित्व विकास र आत्मविश्वास बढाउन समेत मद्धत गर्ने शारिरीक तथा बौद्धिक सौन्दर्यमा सहयोग पुर्याउने उद्देश्यले एक्स्पो आयोजना गर्न लागेको जानकारी दिए ।
पछिल्लो समय मानिसहरु सौन्दर्यप्रति संवेदनशील बन्दै गएको र बजारमा पनि थरीथरीका सौन्दर्य सामाग्री भित्रिरहेको सन्दर्भमा त्यसले हाम्रो बाहिरी सौन्दर्यका साथै स्वास्थ्य र करियरमै पनि असर पर्ने हुँदा त्यस्ता सामाग्रीबारे सही सूचना प्रदान गर्ने उद्देश्यले एक्स्पो आयोजना गर्न लागेको आयोजकले जनाएका छन् । कार्यक्रममा आयोजक सौन्दर्य कला व्यवसायी संघका अध्यक्ष कमला श्रेष्ठले नेपालको समग्र सौन्दर्य उद्योगलाई प्रोत्साहन गर्न एक्स्पो महत्वपूर्ण हुने दावी गरिन् ।
एक्स्पोमा स्वास्थ्य संस्था, कस्मेटिक्स सामाग्री, सौन्दर्यसंग सम्बन्धित संस्थाहरु, मेकअप, स्पा एण्ड वेलनेस, व्यवसायीक तालिम कोर्स, जिम तथा फिटनेस सेन्टर, योगा तथा ध्यान केन्द्र, लगायतका गरी १ सयभन्दा बढी स्टलहरु रहनेछन् । एकस्पोमा छाला विशेषज्ञहरुले छालासम्बन्धी रोगबारे जानकारी पाउन सकिनेछ ।
एक्स्पोमा छाला विशेषज्ञहरुसहितको सेमिनारको पनि आयोजना गरिने आयोजकले जानकारी दिएको छ । सबै उमेर समुहलाई लक्षित गरी गर्न लागिएको एक्स्पोमा २ लाख बढीले भ्रमण गर्ने आयोजकको विश्वास छ ।
Leave a Reply