हेल्थ टुडे,
काठमाडौ,१७ कात्तिकः प्रधानमन्त्री केपी शर्मा ओलीले आफ्नो स्वास्थ्य अवस्था बाहिर हल्ला भएजस्तो गम्भीर नभएको तर मिर्गौलामा समस्या आएको बताएका छन् । शनिवार बसेको नेकपा सचिवालयको बैठकमा नेकपाका अध्यक्ष समेत रहेका ओलीले आफ्नो स्वास्थ्य अवस्थाबारे जानकारी दिँदै मिर्गौलामा समस्या आएको र नियमित डायलाइसिस गर्नुपर्ने बताएका हुन ।
प्रधानमन्त्री ओलीले सबै रिपोर्ट हेरेपछि मात्रै आफ्नो स्वास्थ्य कस्तो छ भनेर यकिन रुपमा भन्न सकिने बैठकमा जानकारी गराएका छन् । बैठकमा प्रधानमन्त्री ओललिे भनेः‘ बाहिर हल्ला भएजस्तो गम्भीर नभएको, अहिले डायलासिस गर्नुपर्ने र सबै रिपोर्ट आएपछि मात्र के गर्ने भन्नेबारे थाहा हुन्छ ।’
बैठकमा ग्रान्डी अस्पतालमा दुईपटक डायलासिस गरिएको र फेरि आइतबार पनि गर्नुपर्ने जानकारी गराइएको थियो । रिपोर्ट हेरेपछि अर्को मिर्गौला प्रत्यारोपण गर्नुपर्ने भए पनि चिकित्सकले निर्णय गर्ने प्रधानमन्त्रीले संकेत गरेका छन् । अस्वस्थ भएपछि बुधबार ग्रान्डी अस्पतालमा भर्ना गरिएका प्रधानमन्त्री ओली बिहीबार साँझ डिस्चार्ज भएका थिए ।
१२ वर्षअघि प्रधानमन्त्री ओलीको मिर्गौला प्रत्यारोपण गरिएको थियो। त्यसपछि नियमित औषधि सेवन र फ्लोअप उपचार गराउँदै आएका प्रधानमन्त्री ओली पछिल्लो पटक साउन र भदौमा उपचारका लागि सिंगापुर गएका थिए। सिंगापुरमा प्रधानमन्त्री ओलीको प्लाज्माफेरेसिस गरेर रगतमा रहेको एन्टीबडी निकालिएको थियो।
Leave a Reply