डेन्टल एसोसिएसनको २० औं राष्ट्रिय सम्मेलन शुक्रबार र शनिवार रुपन्देहीमा

हेल्थ टुडे,
रुपन्देही,२७ कात्तिकः नेपाल डेन्टल एसोसिएसनको २०औं राष्ट्रिय सम्मेलन रुपन्देहीमा आगामी शुक्रबार र शनिवार (२९ र ३० गते) हुँदैछ । सम्मेलनको तयारी अन्तिम चरणमा पुगेको जनाइएको छ ।
भैरहवास्थित होटल रेडशन र कोटिहवास्थित टाइगर प्यालेस रिसोर्टमा दुई दिन सम्मेलन हुने आयोजक संस्थाका अध्यक्ष प्रा.डा. हेमन्त कुमार हलुवाईले जानकारी दिए । सम्मेलनमा नेपाल र नेपाल बाहिरबाट गरी ३ सय दन्त चिकित्सकको सहभागिता रहने जनाइएको छ ।
सम्मेलनको उद्घाटन प्रदेश ५ का मुख्यमन्त्री शंकर पोखरेलले गर्ने कार्यतालिका रहेको छ। दन्त चिकित्सकहरुबीच विचार विमर्श, अनुभव आदानप्रदान, नयाँ–नयाँ अत्याधुनिक प्रविधिको प्रयोग प्रदर्शन एवं अन्तरक्रियाद्वारा दन्त चिकित्सा सम्बन्धि ज्ञान र सीपलाई अभिवृद्धि गर्ने उद्देश्यले सम्मेलन आयोजना गरिएको आयोजकले जानकारी दिएका छन् ।
सम्मेलनमा ६४ वटा कार्यपत्र प्रस्तुत हुनेछन्।