लोगो दुरुपयोग भइरहेको भन्दै विश्व स्वास्थ्य संगठनको आपत्ति ( विज्ञप्ति सहित )

हेल्थ टुडे,
काठमाडौं, १९ बैसाख : विश्व स्वास्थ्य संगठन (डब्ल्यूएचओ), नेपाल स्थित कार्यालयले नेपालमा बिभिन्न प्रयोजनहरुमा डब्ल्यूएचओको लोगोे अनधिकृत रुपमा प्रयोग भएकोप्रति आपत्ति जनाएको छ । डब्ल्यूएचओले शुक्रबार विज्ञप्ति मार्फत आफ्नो लोगो अनधिकृत रुपमा प्रयोग भइरहेको प्रति ध्यान आकर्षणभएको जनाउदै डब्ल्यूएचओद्वारा अनुमोदन गरिएका सामग्रीहरुमा मात्र डब्ल्यूएचओको लोगो प्रयोग गर्न सकिने स्पष्ट पारेको छ । विज्ञप्तिमा अभिएको छ, ‘ डब्ल्यूएचओको लोगो प्रयोग भएको कुनै पनि सामग्रीहरु भनेको उक्त सामग्री डब्ल्यूएचओद्वारा अनुमोदन गरिएको हो भन्ने संकेत गर्दछ । डब्ल्यूएचओको लोगो वा प्रतिक डब्ल्यूएचओको लिखित अनुमतिद्वारा मात्र प्रयोग गर्न सकिन्छ ।’
डब्ल्यूएचओ लोगोको उपयोग डब्ल्यूएचओसँग आधिकारिकरुपमा सहकार्य गरिरहेका तथा डब्ल्यूएचओका साथ काम गरिरहेका सरकारी निकायहरु र संस्थाहरुको लागि मात्र सीमित गरिएको डब्ल्यूएचओले जनाएको छ । अनधिकृत रुपमा कसैले ले डब्ल्यूएचओको लोगो प्रयोग गरेको देखेमा तुरुन्त डब्ल्यूएचओ, नेपालस्थित कार्यालयमा खबर गरिदिनु हुन अनुरोध गरिएको छ ।