थप १५६ जनामा कोरोना संक्रमण

हेल्थ टुडे,

काठमाडौं ४ साउन : पछिल्लो २४ घण्टामा नेपालमा थप १५६ जनामा कोरोना संक्रमण देखिएको हो । स्वास्थ्य तथा जनसंख्या मन्त्रालयका अनुसार आईतबार थप १५६ सहित नेपालमा कोरोना संक्रमितको संख्या १७ हजार ६ सय ५८ पुगेको छ ।  पछिल्लो २४ घण्टामा डिस्चार्ज हुनेको संख्या ५८ जना रहेको मन्त्रालयका प्रवक्ता डा. जागेश्वर गौतमले नियमित पत्रकार सम्मेलनमा जानकारी दिए । हालसम्म नेपालमा ११ हजार ६ सय ९५ जना कोरोना संक्रमणबाट निको भएर घर फर्केका छन । थपिएका १५६ मध्ये ३ जना उपत्यकाका छन ।